
काठमाडौं। नेपाली बजारमा सुन र चाँदीको मूल्यमा उल्लेख्य वृद्धि भएको छ। नेपाल सुनचाँदी व्यवसायी महासङ्घका अनुसार मङ्गलबार सुनको मूल्य प्रतितोला ३ लाख १७ हजार रुपैयाँ कायम भएको छ। १० ग्राम सुनको मूल्य भने २ लाख ७१ हजार ७७५ रुपैयाँ तोकिएको छ।
यसअघि सोमबार सुन प्रतितोला ३ लाख १३ हजार २०० रुपैयाँमा कारोबार भएको थियो। सो दिन १० ग्राम सुनको मूल्य २ लाख ६८ हजार ५२० रुपैयाँ रहेको थियो। सोमबारको तुलनामा मङ्गलवार सुनको मूल्य प्रतितोला ३ हजार ८०० रुपैयाँले बढेको महासङ्घले जनाएको छ।
सुनसँगै चाँदीको मूल्यमा पनि वृद्धि देखिएको छ। महासङ्घका अनुसार चाँदीको मूल्य प्रतितोला ५ हजार ७२० रुपैयाँ पुगेको छ। त्यस्तै १० ग्राम चाँदीको मूल्य ४ हजार ९०४ रुपैयाँ कायम भएको छ।
सोमबार चाँदी प्रतितोला ५ हजार ४१० रुपैयाँ र १० ग्राम ४ हजार ६३८ रुपैयाँमा कारोबार भएको थियो। अघिल्लो दिनको तुलनामा चाँदी प्रतितोला ३१० रुपैयाँले बढेको हो।

























