
काठमाडौं । नेपाली बजारमा आज शुक्रबार सुन र चाँदी दुवैको मूल्य घटेको छ। नेपाल सुनचाँदी व्यवसायी महासङ्घका अनुसार छापावाल सुनको मूल्य तोलामा २ हजार ८ सय रुपैयाँले ओरालो लागेको छ।
बिहीबार प्रतितोला ३ लाख १७ हजार रुपैयाँमा कारोबार भएको छापावाल सुन आज घटेर ३ लाख १४ हजार २ सय रुपैयाँ कायम भएको छ। त्यसैगरी, आज प्रति १० ग्राम छापावाल सुनको मूल्य २ लाख ६९ हजार ३ सय ७५ रुपैयाँ तोकिएको छ।
सुनसँगै चाँदीको मूल्यमा पनि सामान्य गिरावट देखिएको छ। आज चाँदी तोलामा २० रुपैयाँले घटेर प्रतितोला ५ हजार ५ सय १५ रुपैयाँ कायम भयो। महासङ्घले आजका लागि १० ग्राम चाँदीको मूल्य ४ हजार ७ सय २८ रुपैयाँ तोकेको छ।

























