मन्त्रालयको संख्या घटाउन आयोगको सुझाव

Share this
695shares
मुलुकी खबर
मुलुकी खबर
clock२०८२ चैत १२, बिहीबार १२:३७

काठमाडौं। गौरीबहादुर कार्की नेतृत्वको आयोगले संघीय र प्रादेशिक मन्त्रालयको सङ्ख्यामा भारी कटौती गर्न सरकारलाई सुझाव दिएको छ। जेनजी आन्दोलनको जाँचबुझका लागि गठित यस आयोगले तयार पारेको प्रतिवेदनमा सङ्घीयता कार्यान्वयनका चुनौती सम्बोधन गर्न मन्त्रालयको सङ्ख्या घटाउनुपर्ने उल्लेख छ। प्रतिवेदनको ८६७ औँ पृष्ठमा केन्द्र सरकारमा मन्त्रालयको सङ्ख्या १० देखि १२ सम्म मात्र कायम गर्न र प्रदेशमा बढीमा पाँचवटा मन्त्रालय राख्न सिफारिस गरिएको छ।

आयोगले २०७५ सालको सार्वजनिक खर्च पुनरावलोकन आयोगको प्रतिवेदनलाई कार्यान्वयनमा लैजानुपर्नेमा जोड दिएको छ। केन्द्र सरकारले केन्द्रीकृत मानसिकता त्यागेर प्रदेश र स्थानीय तहको संवैधानिक स्वायत्ततालाई सम्मान गर्दै नियमनकारी भूमिकामा ध्यान दिनुपर्ने प्रतिवेदनमा बताइएको छ। त्यसैगरी प्रदेश र स्थानीय तहले आफ्नो कार्यात्मक क्षमता बढाएर थप क्रियाशील बन्नुपर्ने सुझाव दिइएको छ।

प्रदेश सरकारलाई धेरै कार्यकारी भूमिका दिनुभन्दा नीति निर्माणमा केन्द्रित र ुस्मार्टु बनाउनुपर्ने आयोगको निष्कर्ष छ। प्रदेशले सङ्घ र स्थानीय तहबीचको पुलका रूपमा काम गर्दै प्रदेशस्तरीय आयोजनाहरूको व्यवस्थापन गर्ने गरी विकास गरिनुपर्ने प्रतिवेदनमा उल्लेख छ। यस कदमले सार्वजनिक खर्चमा कटौती हुने र सङ्घीयताको ढाँचा थप प्रभावकारी हुने अपेक्षा गरिएको छ।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.