इजरायली सेनाद्वारा इरानको क्षेप्यास्त्र आक्रमणको जवाफ

जेरुसेलम। इजरायली सेनाले बिहीबार इरानबाट भएको क्षेप्यास्त्र आक्रमणको कडा जवाफ दिएको दाबी गरेको छ। सेनाले एक विज्ञप्ति जारी गर्दै इरानबाट इजरायली क्षेत्रतर्फ प्रहार गरिएका क्षेप्यास्त्रहरूको स्पष्ट पहिचान गरी प्रतिरोधात्मक कारबाही गरिएको बताएको छ। सम्भावित खतराहरू रोक्नका लागि रक्षात्मक प्रणालीहरू पूर्ण रूपमा सञ्चालनमा रहेको सेनाले जानकारी दिएको छ।

पहिलो चरणको आक्रमणपछि सेनाले स्थानीय बासिन्दाहरूलाई सुरक्षित स्थानबाट बाहिर निस्कन अनुमति दिएको थियो। इजरायलको आपतकालीन चिकित्सा सेवा ‘म्यागेन डेभिड एडम’ का अनुसार यस आक्रमणमा हालसम्म कुनै मानवीय क्षतिको विवरण प्राप्त भएको छैन।

इरानबाट मिसाइल आक्रमण हुन सक्ने सैन्य चेतावनी सार्वजनिक भएको १४ घण्टापछि यो हमला भएको हो। यसैबीच, लेबनानस्थित इरान समर्थित लडाकु समूह हेजबुल्लाहले पनि इजरायली सैन्य स्थलहरूलाई लक्षित गरी रातभर शृङ्खलाबद्ध आक्रमण गरेको दाबी गरेको छ। मध्यपूर्वमा बढ्दो तनावका बीच इजरायलले आफ्नो सुरक्षा संयन्त्रलाई उच्च सतर्कतामा राखेको छ।