राखेप र एन्फाबीचको ‘शक्ति संघर्ष’: चेपुवामा नेपाली फुटबल

Share this
744shares
मुलुकी खबर
मुलुकी खबर
clock२०८२ चैत १७, मंगलबार २०:३८
राखेप र एन्फाबीचको ‘शक्ति संघर्ष’: चेपुवामा नेपाली फुटबल

काठमाडौं । मैदानमा खेलाडीहरूले पसिना बगाएर नेपाली फुटबलको साख जोगाइ रहँदा, फुटबलका दुई नियामक निकायबीचको ‘शीतयुद्ध’ ले भने सिंगो खेल क्षेत्रलाई नै अधोगतितर्फ धकेल्ने संकेत देखिएको छ ।

राष्ट्रिय खेलकुद परिषद् (राखेप) र अखिल नेपाल फुटबल संघ (एन्फा) बीच चर्किएको द्वन्द्वले नेपाली फुटबल अहिले इतिहासकै गम्भीर मोडमा उभिएको छ । यो विवाद केवल दुई संस्थाको प्रतिष्ठाको लडाइँ मात्र रहेन, यसले अब फिफाको प्रतिबन्ध र नेपाली फुटबलको अन्तर्राष्ट्रिय एक्लोपनको खतरासमेत निम्त्याएको छ ।

एन्फाका उच्च अधिकारीहरूका अनुसार विश्व फुटबलको सर्वोच्च निकाय (फिफा) ले नेपाली फुटबललाई प्रतिबन्ध लगाउने अन्तिम तयारी गरेको छ । २० वर्षमुनिको अन्तर्राष्ट्रिय प्रतियोगिताको मुखैमा फिफाको प्रतिबन्ध लागेमा नेपाली फुटबल वर्षैं पछाडि धकेलिने निश्चित छ ।

फिफाको आर्थिक सहयोग र कार्यक्रममा टिकेको एन्फा प्रतिबन्धित हुनुको अर्थ, देशभरका ४५ देखि ४८ जिल्ला समितिको बजेट रोकिनु, खेलाडी र रेफ्रीको जीविकोपार्जन संकटमा पर्नु र सचिवालयका कर्मचारीहरूको तलब रोकिनु हो । एन्फा भन्छ, ‘यदि फिफाले प्रतिबन्ध लगायो भने त्यसको सम्पूर्ण नैतिक र भौतिक जिम्मेवारी राखेपले लिनुपर्छ ।’

अर्कातर्फ, राखेपले एन्फा नै गैरजिम्मेवार बनेको आरोप लगाएको छ । राखेपका सदस्यसचिव रामचरित्र मेहताले एन्फा पदाधिकारीहरू छलफल र समन्वयमा आउन नचाहेको गुनासो गरे । उनले फुटबललाई धेरै समय शून्यतामा राख्न नसकिने भन्दै सरकारले अब धेरै दिन नपर्खने स्पष्ट पारेका छन् ।

हामी अझै २ /३ दिन समन्वयको प्रयास गर्छौं, सदस्यसचिव मेहताले भने, ‘त्यसपछि पनि निकास नआए अर्को तदर्थ समिति बनाएर अघि बढ्ने हाम्रो स्पष्ट तयारी छ । फुटबललाई धेरै शून्यतामा राख्न हुँदैन ।’ हाल नेपाली टोली लाओसमा खेलिरहेको भए पनि आन्तरिक कलहले आगामी दिनका खेलहरू अन्यौलमा परेका छन् ।

दुई निकायको यो जुहारीले सबैभन्दा ठुलो मारमा ‘ए’ डिभिजनदेखि जिल्ला तहसम्मका क्लबहरू पर्ने देखिएका छन् । ठुलो लगानी गरेर टिम निर्माण गरेका क्लबहरू फिफाको सम्भावित प्रतिबन्ध र एन्फाको निलम्बनका कारण ‘अर्ली इलेक्सन’ (चाँडो निर्वाचन) रोकिँदा थप मर्माहत भएका छन् ।

खेलाडी, प्रशिक्षक, रेफ्री र फुटबलमा आश्रित हजारौँ जनशक्ति अहिले ‘हात्तीको लडाइँमा मिचाइमा परेका दुबो’ जस्तै भएका छन् । यदि राखेपले तदर्थ समिति बनाउने र फिफाले त्यसलाई ‘सरकारी हस्तक्षेप’ मानेर प्रतिबन्ध लगाउने हो भने, नेपाली फुटबलका लागि त्यो सबैभन्दा कालो दिन साबित हुनेछ ।

नेपाली फुटबल प्रेमीहरूको एउटै प्रश्न छ ‘के पदाधिकारीको कुर्सीको लडाइँले नेपाली फुटबलको भविष्य नै दाउमा राख्नु जायज हो ?’

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.