निर्माण व्यवसायी महासंघको नयाँ नेतृत्वका लागि आज मतदान

Share this
674shares
मुलुकी खबर
मुलुकी खबर
clock२०८२ चैत १९, बिहीबार १०:४०

काठमाडौं। नेपाल निर्माण व्यवसायी महासंघ (एपीएफसीएएन) को १३औँ महाधिवेशन अन्तर्गत नयाँ नेतृत्व चयनका लागि आज (बिहीबार) निर्वाचन हुँदैछ। कमलादीस्थित नेपाल प्रज्ञा प्रतिष्ठानमा बिहानैदेखि मतदानको प्रक्रिया सुरु भएको छ।

महासंघको आगामी कार्यकालको अध्यक्ष पदका लागि कालिका कन्सट्रक्सनका निर्देशक निकोलस पाण्डे र पीएस कन्स्ट्रक्सनका प्रबन्ध निर्देशक आङ दोर्जी (एडी) लामाबिच कडा प्रतिस्पर्धा देखिएको छ। दुवै उम्मेदवार आफ्ना बलिया प्यानलसहित चुनावी मैदानमा उत्रिएका छन्।

लामा प्यानलबाट वरिष्ठ उपाध्यक्षमा रोशन दाहाल, एसोसिएट उपाध्यक्षमा एनपी शेर्पा, महासचिवमा शिवहरि घिमिरे र कोषाध्यक्षमा बालाजी श्रेष्ठले उम्मेदवारी दिएका छन्। त्यस्तै, पाण्डे समूहबाट वरिष्ठ उपाध्यक्षमा मुकेश पन्त, महासचिवमा धिरेन्द्र दाहाल र कोषाध्यक्षमा उज्ज्वल गौतम चुनावी प्रतिस्पर्धामा छन्।

यसपटकको निर्वाचनमा उपमहासचिव पदका लागि प्रमोद लामिछानेले स्वतन्त्र रूपमा आफ्नो उम्मेदवारी दर्ता गराएका छन्। अधिवेशनले आगामी तीन वर्षका लागि ५१ सदस्यीय नयाँ कार्यसमिति चयन गर्नेछ।

निर्वाचनको सरगर्मी बढिरहँदा लुम्बिनी प्रदेशबाट केन्द्रीय उपाध्यक्ष पदमा सहदेव खड्का भने निर्विरोध निर्वाचित भएका छन्। सगुन कन्स्ट्रक्सनका सञ्चालक खड्का पाण्डे प्यानलका तर्फबाट उम्मेदवार बनेका थिए। महासंघमा नेतृत्व लिनका लागि अनुभवी र युवा दुवै समूहले आ–आफ्नो दाबी प्रस्तुत गरिरहेका छन्।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.