बुढीगंगा गोल्डकपः सलहेश विजयी हुँदै सेमिफाइनलमा

Share this
774shares
मुलुकी खबर
मुलुकी खबर
clock२०८२ चैत २१, शनिबार १८:३८
बुढीगंगा गोल्डकपः सलहेश विजयी हुँदै सेमिफाइनलमा

विराटनगर । मोरङको बुढीगंगा गाउँपालिकामा जारी ‘प्रथम बुढीगंगा गाोल्डकप’ फुटबल प्रतियोगितामा सिरहाको सलहेश युवा क्लब विजयी हुँदै सेमिफाइनलमा पुगेको छ ।  बुढीगंगा– २ अमाहीमा शनिबार भएको उद्‌घाटन खेलमा सिरहाले काठमाडौंको आरआइएफसीलाई ४–३ गोल अन्तरमा पराजित गर्दै सेमिफाइनल यात्रा तय गरेको हो ।

निर्धारित ८० मिनेटको खेलको ११ औँ मिनेटमा सिरहाका फकुन्ले अभोयोमीले गोल गर्दै टोलीलाई अग्रता दिलाए । सिरहाका फोडे फोफोनाले खेलको २३ औँ मिनेटमा गोल गर्दै टोलीको गोल संख्या दोब्बर बनाए ।

पुनः ४३ औँ मिनेटमा फोडेले गोल गर्दै व्यक्तिगत दोस्रो र टोलीका लागि तेस्रो गोल गरे । सिरहाका रोमन भुजेलले ४५ औँ मिनेटमा गोल थप्दै ४ शून्यको गोलको अवस्थामा पुर्‍याए ।

त्यसपछि, ४–० गोल अन्तरमा पछाडि रहेको काठमाडौंले खेललाई केही सुधार गर्दै थप आक्रमण खेल प्रस्तुत गर्दै गोलान्तर कम गर्न लागे । ६३ औँ मिनेटमा काठमाडौंका सोलोमनले गोल गर्दै टोलीका लागि खाता खोले । लगत्तै ६५ औँ मिनेटमा काठमाडौंमा बिकु राईले गोल गर्दै ४–२ को अवस्था पुर्‍याए । काठमाडौं सोलोमनले पुनः ७४ औँ मिनेटमा व्यक्तिगत दोस्रो र टोलीका लागि तेस्रो गोल गर्दै मतान्तर कम गरे पनि खेल नजिता निकाल्न सकेनन् ।
खेलको प्लेयर अफ द म्याच सिरहाका फोडे फोफोनाले नगद ५ हजार रुपैयाँ प्राप्त गरे ।

प्रतियोगिताअन्तर्गत आइतबारको खेल धनकुटाको रारा फुटबल क्लब र झापाको चात्या सा फुटबल क्लबबीच हुने आयोजकले जनाएको छ ।

चैत २७ गतेसम्म हुने प्रतियोगितामा आयोजकसहित ८ वटा टोलीको सहभागिता रहेको छ  । जसमा आयोजक पालिका बुढीगंगा, सिरहाको सलहेश युवा क्लब, धनकुटाको रारा फुटबल क्लब, सुनसरीको धरान फुटबल क्लब, झापाको चात्या सा फुटबल क्लब, काठमाडौंको आरआइएफसी, काठमाडौंको जस्ट जोन फुटबल क्लब (नाइजेरिया) र भारत सिलगुडीको कञ्चनजंघा फुटबल क्लबको सहभागिता रहेको छ ।

प्रतियोगिताको विजेताले नगद ५ लाख र उपविजेताले नगद २ लाख ५० हजार रुपैयाँका साथै ट्रफी, मेडल र प्रमाणपत्र प्राप्त गर्ने छन् ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.