
काठमाडौं। नेपाली बजारमा आज (सोमबार) सुनको मूल्यमा उल्लेख्य गिरावट आएको छ। आइतबार प्रतितोला २ लाख ९४ हजार रुपैयाँमा कारोबार भएको छापावाल सुनको मूल्य आज तोलामा २ हजार ६ सय रुपैयाँले घटेको छ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला २ लाख ९१ हजार ४ सय रुपैयाँमा कारोबार भइरहेको छ।
त्यसैगरी, आज प्रति १० ग्राम छापावाल सुनको मूल्य २ लाख ४९ हजार ८३० रुपैयाँ कायम गरिएको छ।
सुनसँगै चाँदीको मूल्य पनि आज ओरालो लागेको छ। चाँदीको मूल्य तोलामा ५० रुपैयाँले घटेर प्रतितोला ४ हजार ७८० रुपैयाँमा किनबेच भइरहेको छ। यस्तै, आज प्रति १० ग्राम चाँदीको मूल्य ४ हजार ९८ रुपैयाँ तोकिएको छ।



















