२०८३ वैशाख २, बुधबार १४:१६
विराटनगर । सुनसरीमा बुधबार कारबाट गाँजा बरामद भएको छ । इनरुवा नगरपालिका–१० मा शंकास्पद अवस्थामा रहेको कारलाई नियन्त्रणमा लिएर खानतलासी गर्दा गाँजा बरामद भएको प्रहरीले जनाएको छ ।
प्रहरीलाई देख्नसाथ चालकले को १ च ३६११ नम्बरको कारलाई भगाउन खोजेका थिए । प्रहरीले लखेट्दै गएपछि कार छाडेर बिहान १०ः३० बजेतिर चालक फरार भए । कारलाई नियन्त्रणमा लिएर चेकजाँच गर्दा पछाडि डिकीमा सेतो प्लाष्टिकको बोरामा प्याक गरेर राखेको अवस्थामा १५ किलो ६ सय ग्राम गाँजा फेला परेको प्रहरीको भनाइ छ ।
गाजाँसहित कारलाई नियन्त्रणमा लिएर जिल्ला प्रहरी कार्यालय इनरुवामा राखिएको छ । गाँजा कसले र कहाँ लैजान लागेको हो भन्ने यकिन छैन । कार कसको हो भन्ने पनि खुलेको छैन । थप अनुसन्धान अघि बढाएर चालकको खोजी तीव्र पारिएको जिल्ला प्रहरी कार्यालय सुनसरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
