
काठमाडौं। नेपाली बजारमा आज बुधबार सुनको मूल्यमा उच्च वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ७ हजार २०० रुपैयाँले बढेको हो ।
मंगलबार प्रतितोला २ लाख ९१ हजार ८ सय रुपैयाँमा कारोबार भएको छापावाल सुनको मूल्य आज २ लाख ९९ हजार रुपैयाँ कायम भएको छ । यो मूल्य हालसम्मकै उच्च हो । यस्तै प्रति १० ग्राम छापावाल सुनको मूल्य २ लाख ५६ हजार ४३५ रुपैयाँ तोकिएको छ ।
सुनसँगै आज चाँदीको मूल्यमा पनि वृद्धि भएको छ । चाँदी तोलामा २०५ रुपैयाँले बढेर प्रतितोला ५ हजार २५ रुपैयाँमा किनबेच भइरहेको छ । आज १० ग्राम चाँदीको मूल्य ४ हजार ३०८ रुपैयाँ कायम गरिएको छ । पछिल्लो समय अन्तर्राष्ट्रिय बजारमा देखिएको उथलपुथलका कारण नेपाली बजारमा पनि सुनचाँदीको मूल्य आकाशिएको व्यवसायीहरू बताउँछन् ।



















