निर्माण आयोजनामा सुरक्षा र सामग्रीको सुनिश्चितता गर्न व्यवसायीको माग

Share this
680shares
मुलुकी खबर
मुलुकी खबर
clock२०८२ चैत २९, आइतबार १७:५२

धादिङ। निर्माणाधीन नागढुङ्गा–मुग्लिङ सडकको अनुगमनमा निस्किएका गृहमन्त्री सुधन गुरुङसँग निर्माण व्यवसायीहरूले सुरक्षाको माग गरेका छन् । नेपाल निर्माण व्यवसायी महासंघका उपाध्यक्ष शहदेव खड्काले विभिन्न बहानामा स्थानीय स्तरमा हुने अवरोधले आयोजनाहरू प्रभावित भइरहेको भन्दै देशभरका आयोजनामा सुरक्षा ग्यारेन्टी गर्न माग गरेका हुन् ।

उपाध्यक्ष खड्काले आयोजनामा अनधिकृत रूपमा काम रोक्न आउनेहरूलाई सार्वजनिक मुद्दा लगाएर कारबाही गर्नुपर्नेमा जोड दिए । उनले निर्माण सामग्रीको अभाव र उत्खननमा भोग्नुपरेका कानुनी झमेलाबारे गृहमन्त्रीलाई जानकारी गराउँदै सरकारले तोकेको क्षेत्रबाट सहज रूपमा नदीजन्य सामग्री उपलब्ध गराउन आग्रह गरे । आफ्नो निजी जग्गामा समेत सामग्री उत्खनन गर्दा मुद्दा लड्नुपर्ने अवस्था रहेको भन्दै उनले क्रसर उद्योगहरू चल्ने वातावरण बनाउन र बिटुमिन तथा पेट्रोलियम पदार्थको सहज आपूर्ति गरिदिन सरकारको ध्यानाकर्षण गराए ।

गृहमन्त्री गुरुङले व्यवसायीहरूबाट अनावश्यक पैसा असुल्ने र धरपकड गर्ने कार्य सह्य नहुने बताए । उनले पूर्वाधार निर्माणमा खटिएका व्यवसायीहरूलाई दुःख दिने कार्य तत्काल रोक्न प्रमुख जिल्ला अधिकारी र जिल्ला प्रहरी प्रमुखलाई निर्देशन दिएका छन् । गुणस्तरीय काम समयमै सम्पन्न गर्न सरकारले आवश्यक सुरक्षा र समन्वय गर्ने प्रतिबद्धता समेत उनले व्यक्त गरे ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.