सातदोबाटो सेमिफाइनलमा

Share this
760shares
मुलुकी खबर
मुलुकी खबर
clock२०८३ बैशाख ३, बिहीबार ०७:१८

सुनसरी । सातदोबाटो युथ क्लब, ललितपुर १६औं संस्करणको अन्तर्राष्ट्रिय आमन्त्रण इटहरी गोल्डकप फुटबल प्रतियोगिताको सेमिफाइनलमा प्रवेश गरेको छ ।

बुधबार राति सम्पन्न तेस्रो क्वाटरफाइनल खेलमा आयोजक राष्ट्रिय जागृति क्लबलाई २–० गोल अन्तरले पराजित गर्दै सातदोबाटो अन्तिम चारमा पुगेको हो ।
इटहरी रंगशालामा सम्पन्न खेलमा सातदोबाटोलाई जित दिलाउने क्रममा सुरजज्यू ठकुरी र समीर तामाङले १–१ गोल गरे ।

खेलको ३१औं मिनेटमा सुरजले झण्डै ३० यार्ड टाढाबाट प्रहार गरेको बलले सिधै पोस्टको दिशा तय गरेको थियो । त्यसको चार मिनेटपछि अर्थात् ३५औं मिनेटमा समीरले उत्कृष्ट गोल गर्दै पहिलो हाफमै टिमको जित निश्चित गराए ।

जागृतिका डिफेन्डरको कमजोरीको फाइदा उठाउँदै राज भुषालको प्रहार पोस्टमा लागेर फर्किएपछि समीरले त्यसलाई सदुपयोग गरेका हुन् । मध्यान्तरपछि खेलमा फर्कने प्रयास गरे पनि सफल हुन नसक्दा आयोजक टोली जागृति पहिलो खेलबाटै बाहिरिन बाध्य बन्यो ।

उत्कृष्ट प्रदर्शन गरेका समीर तामाङ ‘प्लेयर अफ दी म्याच’ घोषित हुँदै नगद १० हजार रुपैयाँ प्राप्त गरे । अब सातदोबाटोले बिहीबार हुने प्लानिङ ब्वाइज युनाइटेड र युनाइटेड खर्साङ फुटबल क्लब (यूकेएफसी) बीचको विजेतासँग शनिबारको अन्तिम सेमिफाइनलमा प्रतिस्पर्धा गर्नेछ ।

प्रतियोगिताको फाइनल खेल वैशाख ७ गते हुनेछ । विजेताले नगद १० लाख र उपविजेताले ५ लाख रुपैयाँ प्राप्त गर्नेछन् ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.