ओमानसँग भिड्दै नेपाल

काठमाडौं । आईसीसी क्रिकेट विश्वकप लिग–२ अन्तर्गत आज (बुधबार) नेपाल र ओमानबीच महत्वपूर्ण प्रतिस्पर्धा हुँदैछ । कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा हुने खेल बिहान साढे ९ बजे सुरु हुनेछ ।

यसअघि पहिलो खेलमा संयुक्त अरब इमिरेट्सलाई पराजित गर्दै नेपालले सुखद् सुरुआत गरेको थियो । त्यसैले आजको खेलमा पनि जितलाई निरन्तरता दिने लक्ष्यसहित नेपाली टोली मैदान उत्रँदैछ । घरेलु मैदानको साथ र समर्थकको उत्साह नेपालका लागि बलियो पक्ष मानिएको छ ।

हाल लिग–२ अंकतालिकामा नेपालले २१ खेलबाट १४ अंक जोडेको छ भने ओमान २५ खेलमा २९ अंकसहित माथिल्लो स्थानमा रहेको छ । त्यसैले आजको खेल नेपालका लागि अंक सुधार गर्ने महत्वपूर्ण अवसरका रूपमा हेरिएको छ । खेलाडीले संयमित प्रदर्शनमार्फत नतिजा आफ्नो पक्षमा पार्ने तयारी गरेका छन् ।