२०८३ जेष्ठ १९, मंगलबार १६:४२
झापा । झापाको मेचीनगरमा खैरो हिरोइनसहित एक युवक पक्राउ परेका छन् । इलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको संयुक्त प्रहरी टोलीले मंगलबार बिहान मेचीनगर नगरपालिका–६ स्थित पुरानो मेची पुलबाट उनलाई नियन्त्रणमा लिएको हो ।
पक्राउ पर्नेमा मेचीनगर–१४ का२५ वर्षीय आकाश चौधरी रहेका छन् । भारतबाट नेपालतर्फ आउँदै गरेका चौधरीलाई शंका लागेपछि प्रहरीले सोधपुछ तथा शरीर खानतलासी गरेको थियो । त्यसक्रममा उनले मलद्वारभित्र लुकाएर ल्याउँदै गरेको लागुऔषध खैरो हिरोइनजस्तो देखिने लिसाइलो पदार्थ फेला परेको प्रहरीले जनाएको छ ।
बरामद पदार्थको तौल १६ ग्राम ४०० मिलिग्राम रहेको छ । पक्राउ परेका चौधरीलाई थप अनुसन्धानका लागि इलाका प्रहरी कार्यालय काँकरभिट्टामा राखिएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
