२०८३ असार ७, आइतबार ०९:४१
विराटनगर । सुनसरीको इटहरी उपमहानगरपालिका–१७ पकलीबाट सासू र बुहारीलाई ठुलो परिणाममा लागुऔषध ब्राउन सुगरसहित प्रहरीले पक्राउ गरेको छ।
स्थानीय ७० वर्षीया सरातुन खातुन र उनकी २० वर्षीया बुहारी सेविका सरदारलाई ब्राउन सुगरसहित पक्राउ गरेको सुनसरी प्रहरीका प्रवक्ता डीएसपी चन्द्रबहादुर खड्काले जानकारी दिए ।
उनका अनुसार खातुनको घरमा लागुऔषधको कारोबार भइरहेको सूचना पाएपछि इलाका प्रहरी कार्यालय पकलीको टोलीले उनको घरमा छापा मारेको थियो ।
जाँच तथा खानतलासीका क्रममा खातुनले बोकेको कपडाको झोलाभित्र लुकाएर राखेको लागुऔषध फेला परेको हो । झोलाभित्र २१.५० ग्राम ब्राउन सुगर बरामद गरिएको हो । लागुऔषधसहित सासू बुहारीलाई इलाका प्रहरी कार्यालय पकलीमा राखेर थप अनुसन्धान तथा कानुनी कारबाहीको प्रक्रिया अघि बढाइएको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
