२०८३ असार ७, आइतबार २०:२५
काठमाडौं । बर्दियाको बाँसगढीबाट ठुलो परिमाणको लागुऔषध अफिमसहित दुई जना महिला पक्राउ परेका छन् । बाँसगढी नगरपालिका–३ उत्तर भकारी क्षेत्रबाट आइतबार अपराह्न साढे ४ बजे उनीहरूलाई अफिमसहित पक्राउ गरिएको प्रहरीले जनाएको छ ।
लागुऔषध नियन्त्रण ब्युरो शाखा कार्यालय नेपालगन्ज र इलाका प्रहरी कार्यालय मोतीपुरको टोलीले विशेष सूचनाका आधारमा उनीहरूलाई पक्राउ गरेको हो । पक्राउ पर्नेहरूमा बढैयाताल गाउँपालिका–४ की ३० वर्षीया सन्ध्या घर्ती मगर र बाँसगढी नगरपालिका–३ की ४२ वर्षीया मीना रोकाया रहेको प्रहरीले जनाएको छ ।
प्रहरीका अनुसार शंका लागेर चेकजाँच गर्ने क्रममा सन्ध्या घर्ती मगरले बोकेको कालो झोलाभित्र लुकाइराखेको अवस्थामा १५ किलो ३ सय ४० ग्राम अफिम बरामद भएको छ । उनीहरूको साथबाट ३ थान मोबाइल र नगद ३४ हजार रुपैयाँ समेत बरामद गरिएको छ।
पक्राउ परेका दुवै जनालाई थप अनुसन्धान तथा कानुनी कारबाहीका लागि इलाका प्रहरी कार्यालय मोतिपुर बाँसगढीमा राखिएको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
