२०८३ असार १४, आइतबार १६:४२
विराटनगर । मोरङको विराटनगर महानगरपालिका–१५ स्थित २ नम्बर ढाटबाट प्रहरीले लागुऔषध ब्राउन सगुरसहित एक भारतीय नागरिकलाई पक्राउ गरेको छ।
नेपाल–भारत सीमा क्षेत्रअन्तर्गत विराटनगर रानी नाकाको २ नम्बर ढाटबाट भारतको पश्चिम बंगाल, दक्षिण दिनाजपुर थाना गंगारामपुरका ३२ वर्षीय चंचल सिकदारलाई लागुऔषधिसहित पक्राउ गरेको मोरङ प्रहरीले जनाएको छ ।
प्रहरीका अनुसार भारतबाट पैदल नेपालतर्फ आउँदै गरेका सिकदारलाई शंका लागेर चेकजाँच गर्दा उनको साथबाट लागुऔषध ब्राउन सुगर फेला परेको हो । उसले बोकेको २ वटा टिफिन बट्टाभित्र लुकाई छिपाइ ल्याउँदै गरेको २८९ ग्राम ७२० मिलिग्राम ब्राउन सुगर फेला परेको प्रहरीले जनाएको छ ।
ब्राउन सुगरसहित सिकदारलाई नियन्त्रणमा लिई थप अनुसन्धान तथा कानुनी प्रक्रियाका लागि जिल्ला प्रहरी कार्यालयमा राखिएको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
