२०८३ असार १६, मंगलबार २०:३८
विराटनगर । मुहर्रम पर्व मनाउने क्रममा नक्कली हतियार प्रदर्शन गरी डर र त्रास फैलाएको आरोपमा प्रहरीले विराटनगरका एक युवकलाई पक्राउ गरेको छ ।
विराटनगर महानगरपालिका–९ का २३ वर्षीय मोहम्मद इजराइललाई नक्कली बन्दुकसहित पक्राउ गरेको मोरङ प्रहरीका प्रवक्ता डीएसपी मकेन्द्रकुमार मिश्रले जानकारी दिए । उनका अनुसार असार १२ गते मुस्लिम समुदायले मुहर्रम पर्व मनाउने क्रममा इजराइलले नक्कली हतियार (बन्दुक) बोकेर सर्वसाधारणलाई त्रसित र आतंकति बनाएपछि पक्राउ गरिएको हो ।
नक्कली हतियार बोकेर हिँडेको उनको भिडियो सामाजिक सञ्जालमा आएपछि प्रहरीले असार १५ गते राति ९ः ४० बजेतिर नक्कली हतियारसहित उनलाई घरबाट नियन्त्रणमा लिएको डीएसपी मिश्रले बताए । बरामद गरिएको नक्कली हतियार र इजराइललाई जिल्ला प्रहरी कार्यालय मोरङमा राखेर घटनाको थप अनुसन्धान अघि बढाएको प्रहरीले जनाएको छ ।
यसअघि मुहर्रममै पर्वकै क्रममा नक्कली हतियार विराटनगर–१३ बाट प्रहरीले बरामद गरेको थियो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
