मलाई मार्ने प्रयास भइरहेको छ : अभिषेक गिरी ( भिडियाे)

विराटनगर । मोरङ कारागारका कैदीबन्दीको भत्ता दुरुपयोगको आरोपमा पक्राउ परेका विवादास्पद छवीका अभिषेक गिरीले आफूलाई मार्ने प्रयास भइरहेको गुनासो गरेका छन् । विराटनगरबाट काठमाडौं लैजाने क्रममा उनले आफूलाई मार्ने प्रयास भइरहेको गुनासो गरेका हुन् ।

मोरङ कारागारका कैदीबन्दीको भत्ता दुरुपयोग आरोपमा पक्राउ परेका गिरीलाई साेमबार जिल्ला अदालत मोरङले हाजिरी जमानीमा छाड्न आदेश दिएपछि प्रहरीले अर्काे मुद्दाकाे अनुसन्धानका लागि सोमबार राति बुद्ध एयरकाे जहाजमार्फत काठमाडौं पठाएको थियो ।

काठमाडौं लैजान खोज्दा नमानेपछि प्रहरीको टोलीले उनलाई जबरजस्ती बोकेर विमानस्थल भित्र लिएर गएको थियो । सोही क्रममा उनले आफूलाई मार्ने प्रयास भइरहेको गुनासो गरे । ‘मलाई मार्ने प्रयास भइरहेको छ, मलाई काटेको छ, मलाई कुटेको छ,’ प्रहरीले बाेकेर लैजादै गर्दा उनले भने,‘मलाई दुःख दिएर मार्ने प्रयास भइरहेको छ ।’

असार १३ गते पक्राउ परेका गिरीलाई जिल्ला न्यायाधीश टंकबहादुर महतको इजलासले सोमबार हाजिरी जमानीमा राखेर अनुसन्धान प्रक्रिया अघि बढाउन आदेश दिएको  थियाे । तर, गिरी थुना मुक्त हुन भने पाएनन् । उनलाई काठमाडौँबाट अर्को पक्राउ पुर्जी जारी भएका कारण  केन्द्रीय अनुसन्धान ब्युरोकाे जिम्मा लगाएकाे माेरङ प्रहरी प्रमुख कवित कटवालले जानकारी दिए ।

भिडियाे हेर्न यहाँ क्लिक गर्नुहाेस्