२०८३ श्रावण १७, आइतबार ०९:५८
इटहरी । सुनसरीको इटहरीमा करेन्ट लागेर एक जना युवकको मृत्यु भएको छ । इटहरी उपमहानगरपालिका–१९ सूर्य टोलका ३५ वर्षीय भोजराज श्रेष्ठको करेन्ट लागेर मृत्यु भएको प्रहरीले जनाएको छ ।
प्रहरीका अनुसार श्रेष्ठको पोखरीमा करेन्ट लगाएर माछा मार्ने क्रममा आफैलाई करेन्ट लगेर मृत्यु भएको हो ।शनिबार साँझ ५ः५० बजेतिर आफ्नै पोखरीमा करेन्ट लगाएर माछा मार्ने क्रममा अचानक आफैलाई करेन्ट लागेर श्रेष्ठ गम्भीर घाइते भएका थिए ।
घाइते श्रेष्ठलाई उपचारका लागि छिमेकी बिमन चौधरीको सहयोगमा धरानस्थित बीपी कोइराला स्वास्थ्य विज्ञान प्रतिष्ठान लगिएको प्रहरीले जनाएको छ । उपचारकै क्रममा साँझ ७ः४५ बजेतिर श्रेष्ठको मृत्यु भएको प्रहरीले जनाएको छ । घटनाको थप अनुसन्धान अघि बढाएको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी