२०८३ श्रावण १८, सोमबार ०९:०८
चितवन । नारायणगढ–मुग्लिन सडक खण्ड अन्तर्गत चितवनको नाम्सी नयाँ पुलमा सोमबार (आज) बिहान ढुंगा खस्दा यातायात सेवा प्रभावित भएको छ । सडकमा ठुला ढुंगासहितको पहिरो खसेपछि अहिले सो क्षेत्रमा सवारी साधनहरू एकतर्फी मात्र सञ्चालन भइरहेका छन् ।
जिल्ला ट्राफिक प्रहरी कार्यालय चितवनका अनुसार सडक अवरुद्ध भए लगत्तै पहिरो पन्छाउने काम सुरु गरिएको छ । अहिले एकतर्फी रूपमा सवारीसाधन सुचारु भएको छ । यदि माथिबाट थप ढुंगा झरेन भने केही समयभित्रै पहिरो पन्छाएर बाटो पूर्ण रूपमा खुलाउने प्रयास भइरहेको ट्राफिक प्रहरीले जनाएको छ ।
यो सडक खण्ड भौगोलिक रूपमा जोखिमपूर्ण रहेको र वर्षा नहुँदा पनि सुख्खा पहिरो तथा ढुंगा खस्ने समस्या रहेकाले यात्रा गर्दा विशेष सावधानी अपनाउन प्रहरीले चालक तथा यात्रुहरूलाई आग्रह गरेको छ । अहिले बाटो एकतर्फी मात्र खुलेका कारण सो क्षेत्रमा सवारी साधनको केही चाप बढेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी