२०८३ श्रावण २२, शुक्रबार १९:०८
विराटनगर । खोटाङको दिक्तेल रुपाकोट मझुवागढी नगरपालिकाबाट प्रहरीले १ हजार ३ सय १५ किलोग्राम लागुऔषध गाँजा बरामद गरेको छ।
कोशी प्रदेश प्रहरी कार्यालय विराटनगरका अनुसार जिल्ला प्रहरी कार्यालय खोटाङको टोलीले शुक्रबार नगरपालिका-७ स्थित मध्यपहाडी लोकमार्गको जंगलमा रोकिराखेको ट्रक नियन्त्रणमा लिई उक्त परिमाणको गाँजा बरामद गरेको हो।
विशेष सूचनाका आधारमा पुगेको प्रहरी टोलीले प्र १-०२-००२ ख ००८३ नम्बरको ट्रक जाँच गरेको थियो। सो क्रममा चालक बस्ने क्याबिनभित्र ‘फल्स बटम’ बनाएर लुकाएर राखिएको अवस्थामा गाँजा फेला परेको प्रहरीले जनाएको छ। घटनाका सम्बन्धमा थप अनुसन्धान भइरहेको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी