२०८३ भाद्र २७, शनिबार १३:१७
एजेन्सी। चिलीको अराउकानिया क्षेत्रमा रहेको वृद्धवृद्धाको हेरचाह केन्द्र -वृद्धाश्रम) मा आगलागी हुँदा कम्तीमा १६ जनाको मृत्यु भएको छ ।
शुक्रबार राति पित्रुफ्केनमा लागेको आगोले हेरचाह केन्द्रको भवन पूर्ण रूपमा जलेको छ । घटनामा केही मानिस अझै भवनभित्र फसेको हुन सक्ने आशंका गरिएको छ ।
अराउकानिया प्रहरी प्रमुख जनरल मिगेल हेरेराका अनुसार केन्द्रमा रहेका १० जनालाई मात्र सुरक्षित रूपमा बाहिर निकाल्न सकिएको छ । अग्निनियन्त्रकहरूले घटनास्थलबाट १६ जनाको शव फेला पारेका छन् ।
आगलागीको कारण खुल्न सकेको छैन । घटनास्थलमा ठूलो संख्यामा अग्निनियन्त्रक परिचालन गरी आगो नियन्त्रणमा लिनुका साथै भवनभित्र अन्य व्यक्ति फसेका छन् कि छैनन् भन्ने खोजी भइरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
