गाँजासहित दुई जना पक्राउ

सप्तरी । प्रहरीले सप्तरीको बलान बिहुल गाउँपालिका-६ मौवहा पुवारी टोलनजिकै सडकबाट गाँजा बरामद गरेको छ । प्रहरीका अनुसार उक्त स्थानबाट ७२.५०५ किलो गाँजासहित दुई जना पक्राउ परेका छन् । पक्राउ पर्नेमा सिराहा भगवापुर गाउँपालिका-४ कल्याणपुरका ४८ वर्षीय रामनारायण ठाकुर र सोही गाउँपालिका-१ का ३७ वर्षीय मनोजकुमार मण्डल रहेका छन् ।
इलाका प्रहरी कार्यालय कडरबोनाबाट खटिएको प्रहरीले उनीहरूलाई उक्त गाँजासहित पक्राउ गरेको हो ।