२०८३ कात्तिक ६, शुक्रबार १०:५९
विराटनगर । प्रतिबन्धित लागूऔषधसहित मोरङको सुन्दरहरैँचाबाट एक जना पक्राउ परेका छन् ।
बिहीबार राति करिब ९:५० बजे सुन्दरहरैँचा नगरपालिका–१० त्रिवेणी चोकका २७ वर्षीय समिर राईलाई प्रहरीले पक्राउ गरेको हो ।
इलाका प्रहरी कार्यालय विराटचोकबाट प्रहरी नायब निरीक्षक भीमकुमार धमलाको कमान्डमा खटिएको टोलीले शंका लागेर जाँच गर्ने क्रममा राईको साथबाट प्रतिबन्धित लागूऔषध स्पास्पेन ३७० ट्याब्लेट र ट्रामाडोल ३८० ट्याब्लेट फेला परेको प्रहरीले जनाएको छ ।
लागूऔषधसहित पक्राउ परेका राईलाई थप अनुसन्धानका लागि इलाका प्रहरी कार्यालय बेलबारी पठाइएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
