आठौं दक्षिण एसियाली आईटीएफ तेक्वान्दोका लागि महासंघ अध्यक्ष बलान काठमाडौंमा

Share this
737shares
मुलुकी खबर
मुलुकी खबर
clock२०८३ मंसिर ३, बिहीबार ०८:१०

काठमाडौं । आठौं दक्षिण एसियाली आईटीएफ तेक्वान्दो प्रतियोगिताको तयारी तीव्र भइरहेका बेला दक्षिण एसियाली आईटीएफ तेक्वान्दो महासंघका अध्यक्ष ग्रान्ड मास्टर राजेन्द्रन बलान पाँच सदस्यीय टोलीसहित बुधबार काठमाडौं आइपुगेका छन्।

नेपाल अन्तर्राष्ट्रिय तेक्वान्दो महासंघ (आईटीएफ) को आयोजनामा मंसिर ४ गतेदेखि काठमाडौंमा सुरु हुने प्रतियोगितामा सहभागी हुन बलानसहित महासंघका महासचिव अब्दु रहिमन मंगला सेरीलगायतको टोली नेपाल आएको आयोजक महासंघका महासचिव घमबहादुर थापाले जानकारी दिए ।

त्रिभुवन अन्तर्राष्ट्रिय विमानस्थलमा टोलीलाई आयोजक महासंघका अध्यक्ष प्रवीणकुमार कार्की, पदाधिकारी, खेलाडी तथा प्रशिक्षकहरूले स्वागत गरेका थिए।

महासचिव थापाका अनुसार प्रतियोगितामा नेपालसहित भारत, बंगलादेश, अफगानिस्तान र इथियोपियाका करिब ७५० खेलाडीले प्रतिस्पर्धा गर्नेछन्। तीन दिनसम्म सञ्चालन हुने प्रतियोगितामा जुनियर, क्याडेट, युथ, एडल्ट र भेट्रान विधामा प्रतिस्पर्धा हुनेछ।

प्रतियोगितामा सिंगल तथा ग्रुप स्पाइरिङ, प्याटर्न र सेल्फ डिफेन्स विधाका खेल समावेश गरिएका छन्। विभिन्न विधामा गरी कुल ३६० स्वर्ण पदकका लागि खेलाडीबीच प्रतिस्पर्धा हुनेछ।

प्रतियोगिताका सम्पूर्ण खेल त्रिपुरेश्वरस्थित राष्ट्रिय खेलकुद परिषद्को कभर्डहलमा सञ्चालन हुनेछन् । नेपालले दक्षिण एसियाली आईटीएफ तेक्वान्दो प्रतियोगिता आयोजना गर्न लागेको यो पाँचौँ पटक हो। यसअघि भएका तीन संस्करण भारतले आयोजना गरेको थियो।

तपाइको प्रतिक्रिया
आठौं दक्षिण एसियाली आईटीएफ तेक्वान्दोका लागि महासंघ अध्यक्ष बलान काठमाडौंमा
आर्थिक विधेयकका कर छुट र पुराना बक्यौता फर्छ्योटबारे उद्योगीलाई अभिमुखीकरण
मलेसिया प्रकरणमा पूर्वमन्त्रीसहित ६ जना पक्राउ
सुनवर्षीका दुई अशक्त व्यक्तिलाई रोटरी क्लबद्वारा ह्विलचियर प्रदान
झापामा मोटरसाइकल र धान काट्ने मेसिन ठोक्किँदा दुई जनाको मृत्यु
झापामा मोटरसाइकल र धान काट्ने मेसिन ठोक्किँदा दुई जनाको मृत्यु
विदेशी मुद्राको विनिमय दर सार्वजनिक
विदेशी मुद्राको विनिमय दर सार्वजनिक
पश्चिमी वायु र ‘अक्वान’ चक्रवातको आंशिक प्रभाव, कोशीसहितका प्रदेशमा बदली 
कमिल मिशाराको शतकमा चितवन दोस्रो क्वालिफायरमा
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
© 2024 Muluki Khabar. All Rights Reserved. Design & Develop By: Indesign Media Pvt. Ltd.