फाइनल प्रवेशका लागि सुदूरपश्चिम र चितवन भिड्दै

Share this
721shares
मुलुकी खबर
मुलुकी खबर
clock२०८३ मंसिर ३, बिहीबार ०९:३०
 एनपिएलको तेस्रो संस्करण कात्तिक ९ देखि

काठमाडौं । नेपाल प्रिमियर लिग (एनपीएल) को तेस्रो संस्करणअन्तर्गत दोस्रो क्वालिफायरमा बिहीबार सुदूरपश्चिम रोयल्स र चितवन राइनोजबीच प्रतिस्पर्धा हुँदैछ ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने खेल साँझ ५ बजे सुरु हुनेछ । दुवै टोलीका लागि फाइनल प्रवेश गर्ने यो अन्तिम अवसर हो ।

सुदूरपश्चिम पहिलो क्वालिफायरमा लुम्बिनी लायन्ससँग पराजित भएपछि दोस्रो क्वालिफायरमा पुगेको हो । यता, चितवनले एलिमिनेटरमा काठमान्डु गोर्खाजलाई हराउँदै दोस्रो क्वालिफायरमा स्थान बनाएको हो ।

आजको खेलमा विजयी हुने टोलीले फाइनलमा स्थान सुरक्षित गर्नेछ । उपाधिका लागि उसले पहिलो क्वालिफायर जित्दै फाइनल पुगिसकेको लुम्बिनी लायन्ससँग प्रतिस्पर्धा गर्नेछ ।

एनपीएलको फाइनल खेल मंसिर ५ गते हुनेछ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.