मलेसियाबाट फर्किएका पतिमाथि बाम्फोक प्रहार, रन्जना पक्राउ

Share this
674shares
मुलुकी खबर
मुलुकी खबर
clock२०८२ फागुन १०, आइतबार २०:०१
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ

विराटनगर । वैदेशिक रोजगारीको २ बर्से यात्रा टुंग्याएर मलेसियाबाट फर्किएका पतिमाथि बाम्फोक (दाउ) प्रहार गर्ने महिलालाई प्रहरीले मोरङको सुन्दरहरैँचा नगरपालिका–९ चित्रे टोलबाट पक्राउ गरेको छ ।

शनिबार राति ३६ वर्षीय राजनकुमार अधिकारीमाथि घरभित्रै धारिलो हतियार प्रहार गरिएको घटनामा उनकी पत्नी रन्जना कार्की (अधिकारी)लाई पक्राउ गरिएको मोरङ प्रहरीका सूचना अधिकारी डीएसपी हरिनन्दन चौधरीले बताए । उनका अनुसार राजन मलेसियाबाट फागुन ५ गते नेपाल फर्किएका थिए ।

त्यसअघि पनि मलेसिया आउजाउ गरिरहेका थिए । यसपटक भने मलेसिया बसाइ टुंग्याएर नजाने गरी फर्किएको पाइएको छ ।

उनीमाथि शनिबार राति करिब १०ः३० बजे घरभित्र सुतिरहेका बेला हतियार प्रहार भएको थियो । राजनको मुख, हात, टाउको र बायाँ कान लगायत शरीरका विभिन्न भागमा गहिरो चोट लागेको छ । गम्भीर अवस्थाका उनको विराटनगरको नोबेल शिक्षण अस्पतालमा उपचार भइरहेको छ ।

वैदेशिक रोजगारीबाट फर्किएको ४ दिनमै यस्तो आक्रमण हुनु स्थानीयस्तरमा चासोको विषय बनेको डीएसपी चौधरी बताउँछन् । प्रहरीले घटनामा संलग्न उनकै पत्नी रन्जनालाई पक्राउ गरेको हो ।

उनीविरुद्ध ज्यान मार्ने उद्योग मुद्दा चलाउन आइतबार अदालतबाट म्याद थप गरेर अनुसन्धानको बाँकी प्रक्रिया अघि बढाइएको प्रहरीले जनाएको छ । रन्जनालाई अहिले इलाका प्रहरी कार्यालय बेलबारीको हिरासतमा राखिएको छ ।

प्रारम्भिक अनुसन्धानका आधारमा घटनामा रन्जनाको संलग्नता देखिएको हो । तर, बाहिरी कोही व्यक्तिसँग मिलेर रन्जनाले घटना गराएको हुनसक्ने सम्भावना पनि जीवितै रहेको प्रहरीले उल्लेख गरेको छ ।

सोधपुछका क्रममा भने रन्जना आफू एक्लैले पतिलाई धारिलो हतियारले प्रहार गरेको बताएकी छन् । घटनामा प्रयोग गरिएको खुर्पा प्रहरीले बरामद गरेको छ । घटनास्थलबाट महिलाले लगाउने कपडासमेत रगत लतपतिएको अवस्थामा फेला परेको थियो । प्रहरीका अनुसार उक्त कपडा रन्जनाकै हो ।

तर, घटनास्थलको अवस्था हेर्दा उनी एक्लैले यस्तो क्रूरतापूर्ण घटना गर्न सक्ने अवस्था नदेखिएको डीएसपी चौधरीको भनाइ छ । उनले भने, ‘घटनामा अन्य व्यक्तिहरूको संलग्नता पनि हुन सक्ने आशंका छ । सबै कोणबाट अनुसन्धान गरेर वास्तविकता पत्ता लगाउने प्रयास भइरहेको छ ।’

घटनामा संलग्न अन्य सम्भावित व्यक्तिको पहिचानका लागि प्रहरी टोली खटाइएको छ । इलाका प्रहरी कार्यालय बेलबारीका इन्स्पेक्टर राजीव गिरी नेतृत्वको टोलीले घटनामा संलग्न सम्भावितको खोजी गर्दै घटनाको थप अनुसन्धान गरिरहेको हो ।

वैदेशिक रोजगारीबाट फर्किएको केही दिनमै अधिकारीमाथि आफ्नै घरमा आक्रमण हुनुले स्थानीयस्तरमा त्रासको वातावरण सिर्जना गरेको छ । प्रहरीले घटनाको थप प्रमाण संकलन भइरहेको र सम्भावित विषयलाई जोडेर सबै हिसाबले अनुसन्धान थालिएको जनाएको छ । अधिकारीमाथि आक्रमण हुनुमा पारिवारिक विवाद वा अन्य कुनै कारण छ भन्ने विषय पत्ता लगाउन प्रहरी सक्रिय रहेको डीएसपी चौधरीले बताए ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.