सरकारी जागिरको लोभमा गोली हानेर सब–इन्जिनियरको हत्या

Share this
662shares
मुलुकी खबर
मुलुकी खबर
clock२०८२ फागुन १५, शुक्रबार १६:२६

सर्लाही । सरकारी जागिर पाउने लोभमा वैकल्पिक उम्मेदवारले सब–इन्जिनियर प्रमोदकुमार यादवको हत्या गरेको पत्ता लागेको छ । जिल्ला प्रहरी कार्यालय सर्लाहीले शुक्रबार पत्रकार सम्मेलन गरेर घटनाको जानकारी दिएको हो ।

सर्लाही सदरमुकाम मलंगवा–१० स्थित भाडाको घरमा बस्दै आएका ३६ वर्षीय यादवको फागुन ३ गते साँझ ७ः५५ बजेतिर गोली प्रहार गरी हत्या गरिएको थियो । प्रहरीका अनुसार हत्या गर्ने व्यक्ति महोत्तरीको रामगोपालपुर नगरपालिका–५ घर भई हाल सर्लाहीको बहरथवा नगरपालिका–९ शान्ति टोलमा भाडामा बस्दै आएका ३४ वर्षीय गणेशकुमार महतो हुन् । महतो हाल रामनगर गाउँपालिकामा करारमा प्राविधिक सहायक पदमा कार्यरत थिए ।

यादव प्रदेश लोकसेवा आयोग मधेश प्रदेश, जनकपुरधामबाट २०८१ साल फागुन ४ गते सहायक पाँचौ तहको सब–इन्जिनियर पदमा सिफारिस भएका थिए । महतो एक मात्र वैकल्पिक उम्मेदवार रहेको र परीक्षणकालको एक दिन बाँकी छँदै यादवको हत्या गरिएको अनुसन्धानबाट खुलेको छ । प्रहरीका अनुसार महतोले आफ्नो जागिर पाउने आशामा गोली हानेका हुन् ।

यस घटनामा महतोसहित अन्य दुई जनालाई पनि पक्राउ गरिएको छ । पक्राउ पर्नेमा उनकै सालो २२ वर्षीय चन्द्रकिशोर सिंह कुशवाहा र २२ वर्षीय विजयकुमार महतो रहेका छन् । सिंह सर्लाही बसबरिया गाउँपालिका–२ र विजय महोत्तरी रामगोपालपुर नगरपालिका–५ का बासिन्दा हुन् । दुवै जनाले हत्यामा सहयोग गरेको पाइएको प्रहरीले जनाएको छ ।

यादव र महतो एउटै क्षेत्रका प्राविधिक थिए । समय–समयमा उनीहरुबीच कुराकानी हुन्थ्यो । तर, महतोले आफूलाई राकेश यादव भनेर चिनाउँथे । भारतीय मोटरसाइकलमा मलंगवा आएका महतो र सिंहले यादवको डेरा नजिक फोन गरेर बाहिर बोलाई हत्या गरेको प्रहरीको प्रारम्भिक अनुसन्धानबाट खुलेको छ ।

छातीको बाँया भागमा गोली लागेर गम्भीर घाइते भएका उनको उपचारको क्रममा प्रादेशिक अस्पताल मलंगवामा मृत्यु भएको थियो । हतियार घटनास्थलबाट केही मिटर उत्तर स्थित निर्माणाधीन हनुमान मन्दिर छेउमा फालिएको थियो । खेलिरहेका बालकले ४ दिनपछि उक्त हतियार फेला पारेका थिए । खेल्ने क्रममा गोली बालकको हातमा लागेको थियो ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.