
सिरहा । प्रतिनिधिसभा निर्वाचनअन्तर्गत सिरहाको क्षेत्र नम्बर ३ का जसपा (जनता समाजवादी पार्टी) नेपालका उम्मेदवार अशेश्वर यादव नगदसहित पक्राउ परेका छन् ।
प्रहरीले भारत–नेपाल सीमा नजिकै माडरबाट सिरहा सदरमुकामतर्फ आउँदै गरेको स्कारपियो गाडीलाई शिवचोकमा रोक्दा गाडीबाट ४ लाख ८७ हजार रुपैयाँ बरामद भएको थियो । त्यसलगत्तै प्रहरीले उम्मेदवार यादवसहित पाँच जनालाई नियन्त्रणमा लिएको छ ।
जिल्ला प्रहरी कार्यालय सिरहाका अनुसार घटनाको थप अनुसन्धान भइरहेको छ । नगद कसरी ल्याइयो भन्ने विषयमा स्पष्ट विवरण प्राप्त भएको छैन । यस घटनाले मौन अवधिमा निर्वाचन तयारी र उम्मेदवारका गतिविधिहरूमा सुरक्षा एवं कानुनी प्रश्न उठाएको छ ।

























