ग्यास आयात भइरहेकै बेला भैरहवामा किन देखियो अभाव ?

Share this
729shares
मुलुकी खबर
मुलुकी खबर
clock२०८२ फागुन ३०, शनिबार ०८:०२

भैरहवा । भैरहवा क्षेत्रमा एलपी ग्यासको अभाव देखिएपछि उपभोक्ता मर्कामा परेका छन् । सरकारी तथ्यांकअनुसार ग्यासको आयात नियमित भइरहे पनि बजारमा भने उपभोक्ताले सहज रूपमा सिलिन्डर पाउन सकिरहेका छैनन् ।

उपभोक्ताका अनुसार एउटा ग्यास सिलिन्डर लिनका लागि दिनभरि पसल–पसल धाउनुपर्ने अवस्था बनेको छ । ग्यास बिक्रेताले मौज्दात सकिएको भन्दै धेरै उपभोक्तालाई फर्काइदिने गरेका छन् । भैरहवाका प्रदीप ज्ञवालीले लामो समय लाइनमा बस्दा पनि ग्यास नपाउँदा दैनिक भान्छा चलाउन समस्या भएको बताए ।

बिक्रेताहरुले भने कम्पनीबाट पर्याप्त ग्यास नआउँदा मागअनुसार आपूर्ति गर्न नसकिएको दाबी गरेका छन् । तर, भैरहवा भन्सार कार्यालयले भने ग्यास आयात नियमित भइरहेको जनाएको छ ।

प्रमुख भन्सार अधिकृत हरिहर पौडेलका अनुसार केही दिनअघि निर्वाचनका कारण आयातमा सामान्य समस्या देखिए पनि अहिले दैनिक रूपमा ग्यास बोकेका बुलेट ट्यांकर नेपाल भित्रिइरहेका छन् । स्थानीय विक्रेताका अनुसार सम्भावित अभावको डरले उपभोक्ताले आवश्यकभन्दा बढी ग्यास मौज्दात राख्न थालेपछि बजारमा दबाब बढेको छ ।

यसका साथै सीमावर्ती क्षेत्रमा नेपालबाट भारततर्फ ग्यास सिलिन्डर लैजाने प्रयाससमेत हुने गरेको छ । जिल्ला प्रहरी कार्यालय रूपन्देहीले सीमाबाट हुने अवैध ओसारपसार रोक्न निगरानी कडा पारिएको जनाएको छ ।

प्रहरीले बेलहिया नाकाबाट भारततर्फ लैजाँदै गरेको तथा भारतबाट नेपालतर्फ ल्याइँदै गरेको केही ग्यास सिलिन्डर नियन्त्रणमा लिएको जानकारी दिएको छ ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.