
विराटनगर । भारतको जोगवनी पुगेर आएका एक जना युवक आइतबार दिउँसो विराटनगरबाट पक्राउ परेका छन् ।
विराटनगर महानगरपालिका–१५ का २९ वर्षीय मोहन चौधरी पक्राउ परेका हुन् । लागुऔषध नियन्त्रण ब्युरो विराटनगरबाट खटिएको टोलीले विराटनगर–१६ जुट मिल्सबाट चौधरीलाई दिउँसो ३ बजेतिर पक्राउ गरेको हो ।
ृपक्राउ परेकाको साथबाट लागुऔषध खैरो हेरोइन (ब्राउन सुगर)जस्तो देखिन पदार्थ ४ ग्राम ६ सय ५० मिलिग्राम बरामद भएको प्रहरीले जनाएको छ । भारतको जोगवनीबाट लागुऔषध खरिद गरेर फर्कदै गरेको अवस्थामा पक्राउ परेका चौधरीलाई इलाका प्रहरी कार्यालय रानीको हिरासतमा राखेर थप अनुसन्धान अघि बढाइएको छ ।

























