जाँचबुझ आयोगको प्रतिवेदनप्रति नेपाल बारको आपत्ति

Share this
658shares
मुलुकी खबर
मुलुकी खबर
clock२०८२ चैत १२, बिहीबार १३:१६

काठमाडौं। नेपाल बार एसोसिएसनले गत भदौ २३ र २४ को घटनासम्बन्धी जाँचबुझ आयोग, २०८२ को प्रतिवेदनप्रति कडा असहमति जनाएको छ। आयोगले आफ्नो क्षेत्राधिकार मिचेर न्यायालय र कानुन व्यवसायीका विषयमा आपत्तिजनक टिप्पणी गरेको भन्दै बारले आज दिउँसो १:३० बजे सल्लाहकार समितिको आकस्मिक बैठक बोलाएको छ।

बारका महासचिव केदारप्रसाद कोइरालाले प्रतिवेदनले न्यायालय र कानुन व्यवसायप्रति समाजमा नकारात्मक भ्रम फैलाउन खोजेको बताए। ‘न्यायालय र कानुन व्यवसायप्रति समाजमा नकारात्मक असर पुग्ने गरी प्रतिवेदन आएको छ, यसमा हाम्रो गम्भीर असहमति छ,’ महासचिव कोइरालाले भने, ‘यसबारे कानुन व्यवसायीहरूबीच विस्तृत छलफल गरी आधिकारिक धारणा सार्वजनिक गरिनेछ।’

आयोगको प्रतिवेदनमा न्यायलाई ‘वकिलको स्वर्ग’ हुनबाट बचाउनुपर्ने र वकिलहरूको चर्को शुल्कलगायतका विकृति अन्त्य गर्नुपर्ने उल्लेख छ। प्रतिवेदनले पहुँच र पैसा नहुनेका लागि न्याय निकै टाढाको विषय बनेको टिप्पणी गर्दै साधारण निवेदन लेखेको समेत हजारौँ रुपैयाँ असुल गर्ने गरिएको औँल्याएको छ। नेपाली नागरिकले सुलभ तरिकाले न्याय पाउन नसक्नुमा कानुन व्यवसायीहरूको खर्चिलो शैली मुख्य कारण रहेको प्रतिवेदनको ठहर छ।

नेपाल बारले यी बुँदाहरूलाई व्यावसायिक मर्यादामाथिको प्रहारका रूपमा लिएको छ। आजको बैठकपछि बारले थप विरोधका कार्यक्रम वा औपचारिक कदमबारे निर्णय लिने बुझिएको छ।

तपाइको प्रतिक्रिया
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
© 2024 Muluki Khabar. All Rights Reserved. Design & Develop By: Indesign Media Pvt. Ltd.