‘स्मार्ट डिजाइन’ मा केन्द्रित भयो घर निर्माण प्रदर्शनीको तेस्रो दिन 

Share this
805shares
मुलुकी खबर
मुलुकी खबर
clock२०८२ चैत १४, शनिबार २०:०४
‘स्मार्ट डिजाइन’ मा केन्द्रित भयो घर निर्माण प्रदर्शनीको तेस्रो दिन 

विराटनगर । उद्योग संगठन मोरङको आयोजनामा विराटनगरमा जारी ‘घर निर्माण प्रदर्शनी’ को तेस्रो दिन वास्तु शास्त्र र इन्टेरियर डिजाइनका विविध आयामहरूमा केन्द्रित रहँदै सम्पन्न भएको छ । प्रदर्शनीको थिमेटिक सेसनअन्तर्गत सोमबार ‘स्मार्ट डिजाइन: वास्तु, इन्टेरियर डिजाइन र प्राविधिक योजना’ विषयमा विज्ञबीच अन्तरक्रिया र छलफल भएको हो ।

छलफलका क्रममा ‘इन्टेरियर डिजाइन अवधारणा: स्पेस प्लानिङ, उपयोगिता र सौन्दर्य’ शीर्षकमा बोल्दै इन्टेरियर डिजाइनर कृति श्रेष्ठ उपाध्यायले इन्टेरियर डिजाइनिङलाई केवल सजावट (डेकोर) का रूपमा मात्र बुझ्न नहुने सुनाइन् । उनले इन्टेरियर डिजाइनिङ कला र प्रविधिको यस्तो सम्मिश्रण हो, जसले घरलाई सहज, सरल र सुरक्षित बनाउन मद्दत गर्ने बताइन् ।

विलासी वस्तुहरूको प्रयोगले मात्रै डिजाइन पूर्ण नहुने उल्लेख गर्दै प्राकृतिक हावाको बहाव र सूर्यको प्रकाशको सही संयोजन हुनुपर्नेमा उनले जोड दिइन् । डिजाइन गर्दा घरको स्पेस (ठाउँ) को उचित उपयोग र प्राविधिक पक्षलाई ख्याल गर्नुपर्ने उनको सुझाव थियो ।

त्यस्तै, ‘आधुनिक घरका लागि वास्तु: आधारभूत सिद्धान्त र प्रयोग’ विषयमा कार्यपत्र प्रस्तुत गर्दै वास्तुविद् रोज धाडेवाले वास्तुलाई विज्ञानका रूपमा व्याख्या गरे । उनले घर निर्माण हुने दिशा, जमिनको प्रकृति र घरमा प्रयोग गरिने रङले त्यहाँ बस्ने सदस्यहरूको स्वभाव र जीवनशैलीमा प्रत्यक्ष प्रभाव पार्ने बताए ।

घर निर्माण सम्पन्न भइसकेपछि वास्तु मिलाउने नाममा भत्काउनुभन्दा पनि घर बनाउनु अगाडि नै आधारभूत वास्तु सम्बन्धी जानकारी राख्नु फलदायी हुने उनले सुझाव दिए । उनले वास्तु विज्ञानका सिद्धान्तहरूलाई आधुनिक जीवनशैली र आवश्यकतासँग जोडेर प्रयोग गर्न सकिने प्रस्ट पारे ।

आइतबारको थिमेटिक सेसनमा इन्टेरियर डिजाइनका बाँकी अवधारणासँगै ‘स्मार्ट होम’ का लागि आवश्यक होम अटोमेसन, आधुनिक जीवनशैली, विद्युतीय सुरक्षा, ऊर्जा दक्षता र सोलार घरका बारेमा विज्ञहरूले जानकारी दिनेछन् ।

घर निर्माण गर्दा अपनाउनुपर्ने आधुनिक प्रविधि र सुरक्षाका उपायबारे जान्न चाहनेहरूका लागि सत्र विशेष रहने आयोजकले जनाएको छ ।

तपाइको प्रतिक्रिया
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
© 2024 Muluki Khabar. All Rights Reserved. Design & Develop By: Indesign Media Pvt. Ltd.