अब एकै दिनमा श्रम स्वीकृति

Share this
759shares
मुलुकी खबर
मुलुकी खबर
clock२०८२ चैत १६, सोमबार ०८:१३

काठमाडौं । श्रम, रोजगार तथा सामाजिक सुरक्षा मन्त्रालयले वैदेशिक रोजगारीमा जाने श्रमिकका लागि श्रम स्वीकृति प्रक्रियामा महत्वपूर्ण सुधार गर्ने तयारी गरेको छ ।

श्रम, रोजगार तथा सामाजिक सुरक्षामन्त्री दीपककुमार साहले अब आवेदन दिएको दिनमै श्रम स्वीकृति दिने व्यवस्था लागू गर्न निर्देशन दिएका छन् । उनको निर्देशनसँगै यसअघि टोकन प्रणालीमार्फत तोकिएको मितिमा मात्रै स्वीकृति लिनुपर्ने बाध्यता हटाएर सेवाग्राहीले लामो समय कुर्नुपर्ने समस्याको अन्त्य गर्ने तयारी भइरहेको हो ।

मन्त्रालयका अनुसार नयाँ व्यवस्था कार्यान्वयनमा आएपछि सेवाग्राहीले अनावश्यक ढिलाइ र झन्झटबाट मुक्ति पाउनेछन् । श्रम स्वीकृति प्रक्रियालाई छरितो, पारदर्शी र प्रविधिमैत्री बनाउने उद्देश्यले यो निर्णय गरिएको हो ।

साथै, पूर्व प्रस्थान अभिमुखीकरण तालिमलाई पनि डिजिटल माध्यममार्फत उपलब्ध गराउने तयारी गरिएको छ । तालिमसम्बन्धी श्रव्य–दृश्य सामग्री अनलाइनमार्फत उपलब्ध गराइने र सम्पूर्ण प्रक्रिया क्रमशः अनलाइन प्रणालीमा रूपान्तरण गरिने बताइएको छ ।

त्यसैगरी, सरकारले योगदानमा आधारित सामाजिक सुरक्षा कोषमा सबै श्रमिकलाई आबद्ध गराउने अभियानलाई तीव्रता दिने भएको छ । न्यूनतम ज्यालाको पूर्ण कार्यान्वयन, श्रमिकको हकहित संरक्षण र कार्यस्थल सुरक्षामा सुधार गर्ने विषयलाई पनि प्राथमिकतामा राखिएको छ । औद्योगिक प्रतिष्ठानहरूमा जोखिम मूल्यांकन गरी व्यवसायजन्य स्वास्थ्य तथा सुरक्षालाई थप मजबुत बनाउने योजना अघि सारिएको छ ।

मन्त्रालयले वैदेशिक रोजगारीलाई सुरक्षित, व्यवस्थित र मर्यादित बनाउन थप पाँच मुलुकसँग द्विपक्षीय श्रम सम्झौता विस्तार गर्ने तयारी गरेको छ । साथै, वैदेशिक रोजगारीका नाममा हुने ठगी नियन्त्रण गर्न कडा कदम चाल्ने, सिप विकास तालिममार्फत आन्तरिक रोजगारी सिर्जना गर्ने र निजी क्षेत्रसँग सहकार्य गर्दै देशभर सिप मेला सञ्चालन गर्ने योजना पनि अघि बढाइएको छ ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.