सेयर बजारमा पहिरो: नेप्से ७४ अंकले घट्दा कारोबार रकम भने अर्बले बढ्यो

Share this
733shares
मुलुकी खबर
मुलुकी खबर
clock२०८२ चैत १८, बुधबार १५:४१

काठमाडौं । साताको चौथो कारोबार दिन बुधबार सेयर बजारमा ठूलो गिरावट आएको छ। नेपाल स्टक एक्सचेन्ज (नेप्से) परिसूचक ७४.७३ अंकले घटेर २७७६ विन्दुमा ओर्लिएको हो। मंगलबार झिनो अंकले सुधारिएको बजार बुधबार खुलेदेखि नै ओरालो लागेको थियो।

बजारमा उच्च गिरावट आए पनि कारोबार रकममा भने उल्लेख्य वृद्धि देखिएको छ। अघिल्लो दिन ११ अर्ब ११ करोड रुपैयाँको कारोबार भएकोमा बुधबार करिब १ अर्बले बढेर १२ अर्ब १० करोड रुपैयाँ पुगेको छ। यस दिन कुल २५५ कम्पनीको सेयर मूल्य घट्दा केवल १३ कम्पनीको मूल्यमा मात्र सुधार देखियो।

समूहगत सूचकतर्फ सबै क्षेत्र राताम्मे बनेका छन्। सबैभन्दा धेरै ‘अन्य’ समूहको सूचक ५.२६ प्रतिशतले घट्यो। नेपाल पुनर्बीमा कम्पनीको मूल्यमा ९.८४ प्रतिशतको गिरावट आएसँगै यो समूह बढी प्रभावित भएको हो। यस्तै व्यापार समूह ३.९६, विकास बैंक ३.१८ र फाइनान्स समूह ३.०३ प्रतिशतले घटेका छन्।

बैंकिङ २.३१, होटल तथा पर्यटन २.१२, हाइड्रोपावर २.८१ र लगानी समूह २.६७ प्रतिशतले ओरालो लागेका छन्। जीवन बीमा र निर्जीवन बीमा समूहमा पनि क्रमशः २.०२ र २.२२ प्रतिशतको गिरावट आएको छ। उत्पादन तथा प्रशोधन समूहमा सबैभन्दा कम ०.३९ प्रतिशतको गिरावट देखियो भने माइक्रोफाइनान्स १.९९ प्रतिशतले घट्यो। लगानीकर्ताहरू पर्ख र हेरको अवस्थामा रहँदा बजारमा तीव्र बिक्री चाप देखिएको विश्लेषकहरू बताउँछन्।

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.