
काठमाडौं । कर्मचारी खेलकुद प्रतिष्ठान नेपाल (इसान) को आयोजनामा १५ औं कर्मचारी खेलकुद प्रतियोगिता जेठ ४ गतेदेखि हुने भएको छ ।
प्रतियोगितामा फुटसल, ब्याडमिन्टन, टेबल टेनिस र बुद्धिचाल गरी ४ खेलमा प्रतिस्पर्धा हुने आयोजक इसानका अध्यक्ष रामविनय श्रेष्ठले जानकारी दिए । उनका अनुसार फुटसलमा २, ब्याडमिन्टनमा ७, टेबल टेनिसमा ५ र बुद्धिचालमा १ गरी १५ स्वर्णका लागि प्रतिस्पर्धा हुनेछ । जेठ १० गतेसम्म चल्ने प्रतियोगिताका खेलहरू काठमाडौंमा हुनेछ ।
अध्यक्ष श्रेष्ठले पदक विजेतालाई नगद, प्रमाणपत्र, पदक र ट्रफीसहित पुरस्कृत गरिने बताए । नेपाल सरकारको पूर्ण तथा आंशिक स्वामित्वमा रहेका सार्वजनिक संस्था र निजी क्षेत्रका संगठित संस्थामा कार्यरत कर्मचारीले प्रतियोगितामा सहभागी हुन पाउने छन् ।

























