चन्द्रगढी महिला गोल्डकप: १० खेलाडीमा सीमित पुलिस सेमिफाइनलमा

Share this
736shares
मुलुकी खबर
मुलुकी खबर
clock२०८३ बैशाख ९, बुधबार २०:२९

भद्रपुर । झापाको भद्रपुरमा जारी ओम साई पाथिभरा हस्पिटल चन्द्रगढी महिला गोल्डकपमा भारतको रानी लक्ष्मीबाई फुटबल एकेडेमीलाई ५–१ गोल अन्तरले पराजित गर्दै नेपाल पुलिस फुटबल क्लब सेमिफाइनलमा प्रवेश गरेको छ। खेलको सुरुवाती १४ औँ मिनेटमै आफ्ना मुख्य गोलकिपरले रातो कार्ड पाएपछि १० खेलाडीमा सीमित भए पनि पुलिसले उत्कृष्ट पुनरागमन गर्दै फराकिलो जित दर्ता गरेको हो।

खेलको १४ औँ मिनेटमा पुलिसकी गोलकिपर उषा नाथले डिबक्स बाहिर बल समातेपछि मैदान बाहिरिनुपरेको थियो। सोही समयमा पाएको फ्रिकिकको सदुपयोग गर्दै लक्ष्मीबाईकी हेमन्ती कुमारीले गोल गरी टोलीलाई सुरुवाती अग्रता दिलाइन्। १–० ले पछि परेको पुलिसका लागि ३८ औँ मिनेटमा रेखा पौडेलले बराबरी गोल फर्काइन्। दोस्रो हाफमा आक्रामक बनेको पुलिसका लागि कप्तान अमृता जैसी, सम्झना लावती, मिना देउवा र पूजा रानाले थप एक–एक गोल गरे।

खेलको ‘प्लेयर अफ द म्याच’ पुलिसकी पूजा राना घोषित भइन्। उनले नगद ११ हजार रुपैयाँ पुरस्कार प्राप्त गरिन्। अब सेमिफाइनलमा पुलिसले आफ्नो चिरपरिचित प्रतिद्वन्द्वी त्रिभुवन आर्मी फुटबल क्लबको सामना गर्नेछ। भोलि बिहीबार हुने अन्तिम क्वार्टर फाइनल खेल सशस्त्र प्रहरीको एपिएफ फुटबल क्लब र संकटा फुटबल क्लबबीच हुने आयोजकले जनाएको छ।

नेपालकै सर्वाधिक पुरस्कार राशि रहेको यस प्रतियोगिताको विजेताले ११ लाख र उपविजेताले ५ लाख रुपैयाँ प्राप्त गर्नेछन्। प्रतियोगिताको सर्वोत्कृष्ट खेलाडीलाई १ लाख तथा विधागत उत्कृष्ट खेलाडीहरूलाई जनही २५ हजार रुपैयाँ प्रदान गरिनेछ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.