मेचीदेखि महाकालीसम्म उद्धार अभियान, १२० जना सुरक्षित आश्रयमा

महेन्द्रनगर । मानव सेवा आश्रमले सञ्चालन गरेको ‘मेची–महाकाली राष्ट्रिय उद्धार यात्रा, २०८३’ अन्तर्गत हालसम्म देशभरबाट १२० जना सडकआश्रित व्यक्तिहरुको उद्धार गरिएको छ ।

उद्धार गरिएका व्यक्तिहरूलाई आश्रमका विभिन्न ३३ वटा सेवा केन्द्रमा राखेर संरक्षण र हेरचाह गरिरहेको जनाइएको छ । सडकपेटीमा कष्टकर जीवन बिताइरहेका नागरिकलाई सुरक्षित आश्रयमा ल्याउने उद्देश्यसहित मानव सेवा आश्रमले वैशाख २८ गते झापाको काँकरभिट्टास्थित मेची पुलबाट अभियान सुरु गरेको थियो ।

Advertisement

पूर्वदेखि पश्चिमसम्म जारी यात्रा कञ्चनपुर र कैलाली पार गरिसकेको छ । अभियानमा चर्चित गायिका एवं आनी छोइङ डोल्मासमेत सहभागी छिन् । उद्धार यात्रामा रहेको टोलीले सडकआश्रित तथा बेसहारा नागरिकलाई खोजी गर्दै सुरक्षित आश्रयमा ल्याउने कामलाई निरन्तरता दिएको छ ।