२०८३ असार ६, शनिबार १९:२०
विराटनगर । आकर्षक उपहारको प्रलोभन देखाई चिठ्ठा काट्न लगाएर सर्वसाधारणलाई ठगी गरेकाे आराेपमा प्रहरीले एक जनालाई पक्राउ गरेको छ ।
पक्राउ पर्नेमा मोरङ जिल्ला विराटनगर महानगरपालिका– ११ महेन्द्र चोक बस्ने ३५ वर्षीय सुवास राई छन् ।
उनले ‘OCEAN Digital Solution’ नामक अनाधिकृत कम्पनी खडा गरी विभिन्न इलेक्ट्रोनिक सामानहरू चिठ्ठामा पर्ने भन्दै रसिद काटेर रकम उठाउने गरेको प्रहरीले जनाएको छ।
जिल्ला प्रहरी कार्यालय मोरङ र वडा प्रहरी कार्यालय विराटनगरबाट खटिएको प्रहरी टोलीले राईलाई शुक्रबार दिउँसो करिब २ पक्राउ गरेकाे हाे ।
उनकाे साथबाट ग्राहकहरूको नामावली उल्लेख भएको १५३ थान प्रिन्ट पाना, १५० थान रसिदको अर्धकट्टी, ४ थान अग्रिम बुकिङ फारम बरामद भएकाे छ ।
जिल्ला प्रहरी कार्यालय मोरङका सूचना अधिकारी प्रहरी नायब उपरीक्षक मकेन्द्रकुमार मिश्रका अनुसार पक्राउ परेका राईमाथि अनुसन्धान भइरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
