पन्ध्र किलो अफिमसहित दुई महिला पक्राउ

Share this
773shares
मुलुकी खबर
मुलुकी खबर
clock२०८३ असार ७, आइतबार २०:२५
उर्लाबारीमा जुवा खेलिरहेको अवस्थामा ८ जना पक्राउ 

काठमाडौं । बर्दियाको बाँसगढीबाट ठुलो परिमाणको लागुऔषध अफिमसहित दुई जना महिला पक्राउ परेका छन् । बाँसगढी नगरपालिका–३ उत्तर भकारी क्षेत्रबाट आइतबार अपराह्न साढे ४ बजे उनीहरूलाई अफिमसहित पक्राउ गरिएको प्रहरीले जनाएको छ ।

लागुऔषध नियन्त्रण ब्युरो शाखा कार्यालय नेपालगन्ज र इलाका प्रहरी कार्यालय मोतीपुरको टोलीले विशेष सूचनाका आधारमा उनीहरूलाई पक्राउ गरेको हो । पक्राउ पर्नेहरूमा बढैयाताल गाउँपालिका–४ की ३० वर्षीया सन्ध्या घर्ती मगर र बाँसगढी नगरपालिका–३ की ४२ वर्षीया मीना रोकाया रहेको प्रहरीले जनाएको छ ।

प्रहरीका अनुसार शंका लागेर चेकजाँच गर्ने क्रममा सन्ध्या घर्ती मगरले बोकेको कालो झोलाभित्र लुकाइराखेको अवस्थामा १५ किलो ३ सय ४० ग्राम अफिम बरामद भएको छ । उनीहरूको साथबाट ३ थान मोबाइल र नगद ३४ हजार रुपैयाँ समेत बरामद गरिएको छ।

पक्राउ परेका दुवै जनालाई थप अनुसन्धान तथा कानुनी कारबाहीका लागि इलाका प्रहरी कार्यालय मोतिपुर बाँसगढीमा राखिएको प्रहरीले जनाएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.