फिफा विश्वकप २०२६ः बोस्नियालाई हराउँदै अमेरिका अन्तिम १६ मा प्रवेश

Share this
734shares
मुलुकी खबर
मुलुकी खबर
clock२०८३ असार १८, बिहीबार ०९:१८
फिफा विश्वकप २०२६ः बोस्नियालाई हराउँदै अमेरिका अन्तिम १६ मा प्रवेश

काठमाडौं । सहआयोजक अमेरिका फिफा विश्वकप २०२६ को अन्तिम १६ (प्रि क्वाटरफाइनल) मा प्रवेश गरेको छ। सान फ्रान्सिस्को बे एरिया स्टेडियममा सम्पन्न (राउन्ड अफ ३२) को रोमाञ्चक खेलमा बोस्निया एन्ड हर्जगोभिनालाई २–० गोल अन्तरले पराजित गर्दै अमेरिकाले अघिल्लो चरणको यात्रा तय गरेको हो ।

खेलको सुरुवाती समयदेखि नै आक्रामक देखिएको अमेरिकाका लागि ४५ औँ मिनेटमा फोलारिन बालोगुनले गोल गर्दै टोलीलाई पहिलो अग्रता दिलाएका थिए । पहिलो हाफमा १–० ले अघि रहेको अमेरिका दोस्रो हाफमा भने केही दबाबमा देखिएको थियो ।

खेलको ६४ औँ मिनेटमा टोलीका गोलकर्ता बालोगुनले रातो कार्ड पाएपछि अमेरिका १० खेलाडीमा सीमित भएको थियो। भिएआर चेकका क्रममा बालोगुनले गम्भीर फाउल गरेको देखिएपछि रेफ्रीले उनलाई सिधै रातो कार्ड देखाउँदै मैदान बाहिर पठाएका थिए ।

एक खेलाडी कम भए पनि सन्तुलित खेल पस्किएको अमेरिकाका लागि ८२ औँ मिनेटमा मलिक टिलम्यानले दोस्रो गोल गरे । टिलम्यानको गोलसँगै अमेरिकाले २–० को सहज जित सुनिश्चित गर्‍यो ।

अब क्वाटरफाइनल प्रवेशका लागि अमेरिकाले बलियो प्रतिद्वन्द्वी बेल्जियमको सामना गर्नेछ । जितसँगै घरेलु दर्शकमाझ उत्साह छाएको छ भने १० खेलाडीमा समेटिएर पनि निकालेको यो जितलाई अमेरिकाको बलियो मनोबलका रूपमा हेरिएको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.