२०८३ श्रावण २९, शुक्रबार ०९:३७
काठमाडौं । सशस्त्र प्रहरी बल नेपालले सिरहाको सीमावर्ती क्षेत्रबाट ठुलो परिमाणमा गाँजा बरामद गरेको छ । सिरहाको औरही गाउँपालिका–४ खजनपुरस्थित सीमा क्षेत्रबाट शुक्रबार बिहान करिब ५० केजी गाँजा बरामद गरिएको हो ।
सशस्त्र प्रहरीको गस्ती टोलीले शुक्रबार बिहान साढे ३ बजेतिर नेपालबाट भारततर्फ अवैध रूपमा लैजाँदै गरेको अवस्थामा ४९ किलो ७६० ग्राम गाँजा फेला पारेको प्रहरीले जनाएको छ ।
सशस्त्र प्रहरीका अनुसार गस्ती टोलीलाई देख्नासाथ गाँजा बोकेका व्यक्तिहरू आफूले बोकेको दुई बोरा गाँजा र प्रयोग गरेको मोटरसाइकल छाडेर फरार भएका थिए । तस्करहरूले बीआर ३१ एम ३०५७ नम्बरको भारतीय मोटरसाइकल छाडेर भारतीय सिमानातिरै भागेको सशस्त्र प्रहरीले जनाएको छ ।
बरामद गरिएको गाँजा र मोटरसाइकललाई नियन्त्रणमा लिई आवश्यक कारबाहीका लागि प्रक्रिया अगाडि बढाइएको छ भने फरारहरूको खोजी भइरहेको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी