२०८३ श्रावण २८, बिहीबार ०९:५६
सुनसरी । सुनसरीको भोक्राहा नरसिंह गाउँपालिकाबाट ठुलो परिमाणको लागुऔषध ब्राउन सुगरसहित एक भारतीय युवक पक्राउ परेका छन् ।
बिहीबार साँझ ७ः३० बजेतिर भोक्राहा नरसिंह गाउँपालिका–६ स्थित उल्टी मोडबाट भारतको बिहार राज्यको अररिया जिल्ला पतरा पञ्चायत–६ का १९ वर्षीय ईस्मत उल्हालाई लागुऔषध ब्राउन सुगरसहित पक्राउ गरेको सुनसरी प्रहरीका प्रवक्ता डीएसपी चन्द्रबहादुर खड्काले जानकारी दिए ।
उनका अनुसार दक्षिणबाट उत्तरतर्फ पैदल आउँदै गरेका उल्हालाई शंका लागेर चेकजाँच गर्दा उनको साथबाट ३०४.११ ग्राम ब्राउन सुगर फेला परेको थियो ।
परेका उल्हालाई लागुऔषधसहित नियन्त्रणमा लिएर जिल्ला प्रहरी कार्यालय सुनसरीमा राखिएको छ। उनीमाथि लागुऔषध नियन्त्रण ऐन अन्तर्गत थप अनुसन्धान भइरहेको प्रहरीले जनाएको छ। बरामद गरिएको ब्राउन सुगरको परिमाण ठुलो भएकाले यसको कारोबारमा अन्य व्यक्तिहरूको संलग्नताबारे पनि खोजी र थप अनुसन्धान थालेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी