भैँसीको हुलले धकेल्दा मोटरसाइकलसँग ठोक्किएर चार जना घाइते, एक गम्भीर

Share this
762shares
मुलुकी खबर
मुलुकी खबर
clock२०८३ असोज १, बिहीबार ०७:१७

सुनसरी । सुनसरीको देवानगन्ज गाउँपालिका–७ स्थित हुलाकी राजमार्गमा भैँसीको हुलले धकेल्दा मोटरसाइकलसँग ठोक्किएर चार जना घाइते भएका छन् । घाइतेमध्ये एक जना गम्भीर घाइते भएका छन् ।

बुधबार साँझ ७ बजेतिर देवानगन्ज गाउँपालिका–१ का करिब ६० वर्षीय सुकल पालले भैँसी चराएर घरतर्फ ल्याउने क्रममा भैँसीहरू आपसमा हानाहान गरेका थिए । सोही क्रममा भैँसीको हुलले पाललाई धकेलेपछि चिमडीबाट हरिनगरातर्फ जाँदै गरेको को १–०२–०५६ प २७७४ नम्बरको मोटरसाइकलसँग ठोक्किन पुगे ।

दुर्घटनामा पालको टाउकोको अगाडिको भागमा चोट लागेको छ । उनको अवस्था गम्भीर रहेको र बोल्न नसक्ने अवस्थामा विराट नर्सिङ होम विराटनगरमा उपचार भइरहेको प्रहरीले जनाएको छ ।

दुर्घटनामा मोटरसाइकल चालक सुनसरीको भोक्राहा–नरसिंह गाउँपालिका–४ का करिब ४४ वर्षीय सज्जाद आलमको छाती तथा हातखुट्टामा चोट लागेको छ । उनको अवस्था सामान्य रहेको छ ।

मोटरसाइकलको पछाडि सवार आलमकी श्रीमती करिब ४० वर्षीया बेचनी खातुनको हातखुट्टा तथा शरीरका विभिन्न भागमा चोट लागेको छ । उनको अवस्था पनि सामान्य रहेको र बोल्न सक्ने अवस्थामा उपचार भइरहेको छ ।

त्यस्तै, मोटरसाइकलमा सवार आलमकी ९ वर्षीया छोरी आरुफा फात्माको हातखुट्टामा चोट लागेको छ । उनको अवस्था सामान्य रहेको र विराटनगर न्युरो अस्पतालमा उपचार भइरहेको प्रहरीले जनाएको छ ।

प्रारम्भिक अनुसन्धानमा भैँसीहरू आपसमा हानाहान गर्दा गोठालालाई धकेलेपछि मोटरसाइकलसँग ठोक्किन पुगेको देखिएको प्रहरीले जनाएको छ । प्रहरीले घटनाको थप अनुसन्धान गरिरहेको छ ।

तपाइको प्रतिक्रिया
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
© 2024 Muluki Khabar. All Rights Reserved. Design & Develop By: Indesign Media Pvt. Ltd.