अजलकाजी वर्षको उत्कृष्ट खेलाडी घोषित

Share this
730shares
मुलुकी खबर
मुलुकी खबर
clock२०८१ असोज १५, मंगलबार १७:५५

काठमाडौं । काठमाडौंमा नेपाल पौडी संघले आयोजना गरेको १२ औ एनएसए पौडी प्रतियोगिता सम्पन्न भएको छ ।

प्रतियोगितामा अजलकाजी ताम्राकार वर्षको उत्कृष्ट खेलाडी घोषित हुँदै नगद २५ हजार रुपैयाँ प्राप्त गरे ।

ताम्राकारले ५० मिटर फ्रिस्टाइलमा आफ्नो नाममा रहेको पुरानो राष्ट्रिय कीर्तिमान भंग गर्दै नयाँ राष्ट्रिय कीर्तिमान कायम गरे ।

प्रतियोगिताको समापनको अवसरमा नेपालको तर्फबाट ओलम्पिकमा सहभागिता जनाउने पौडीवाज सीताराम शाहीलाई नगद २५ हजारका साथ सम्मान गरियो ।

शाहीले सन् १९९६ मा एटलान्टामा भएको ओलम्पिकमा सहभागिता जनाएका थिए ।

त्यस्तै, नेपालका सिनियर लाइफ गार्ड पदमजंग शाह पनि सम्मानित भए । उनलाई नेपाली पौडीमा गरेको योगदानलाई कदर गर्दै सम्मान गरिएको नेपाल पौडी संघले जनाएको छ ।

प्रतियोगितामा कुल ७० स्पर्धामा २ सय ८३ खेलाडी सहभागी थिए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.