प्रधानमन्त्रीको स्वास्थ्यमा समस्या

काठमाडौं । प्रधानमन्त्री केपी शर्मा ओलीको स्वास्थ्यमा समस्या देखिएको छ ।

बिरामी परेर स्वास्थ्य प्रतिकूल बनेपछि उनी सरकारी निवास बालुवाटारमै आराम गरिरहेका छन् । ज्वरो आएकाले रगत परीक्षणका लागि पठाइएको प्रेस संयोजक प्रकाश सिलवालले बताए ।

आफू स्वस्थ्य नहुनजेलसम्मलाई प्रधानमन्त्री ओलीले अत्यावश्यकबाहेक अन्य भेटघाटका कार्यक्रम बन्द गरेको उनको सचिवालयले जनाएको छ । सचिवालयका अनुसार ओलीलाई सोमबार रातिदेखि ज्वरो आएको हो ।