नेपालको बिजुली आज बंगलादेश निर्यात हुँदै

Share this
684shares
मुलुकी खबर
मुलुकी खबर
clock२०८१ कात्तिक ३०, शुक्रबार ०६:३०

काठमाडौं । नेपालको बिजुली आज (शुक्रबार) बंगलादेश निर्यात हुँदै छ । भारतको बाटो हुँदै ४० मेगावाट विद्युत निर्यात हुने भएको हो ।

नेपाल, भारत र बंगलादेशका ऊर्जामन्त्रीले ‘भर्चुअल’ माध्यमबाट संयुक्त रूपमा उद्घाटन गर्ने कार्यक्रम छ । त्यसपछि नेपाल–बंगलादेश विद्युत व्यापारको औपचारिक सुरुवात हुने छ ।

तीन देशका कम्पनीबीच जुन १५ देखि नोभेम्बर १५ सम्म नेपालबाट बंगलादेशले विद्युत निर्यात गर्ने सम्झौता गत असोज १७ गते भएको थियो । तर, शुक्रबार निर्यात भएपछि सन् २०२४ भरी विद्युत निर्यात हुने छैन । नेपाल विद्युत प्राधिकरणका अनुसार २०२५ को जुन १५ देखि पुनः निर्यात सुरु हुने छ ।

बिजुली बंगलादेश पठाउनु भारतबाहेक तेस्रो देशमा पनि विद्युत व्यापारको सम्भावना छ भन्ने बलियो माध्यम हुने प्राधिकरणको भनाइ छ । प्राधिकरणका अनुसार भारतको केन्द्रीय विद्युत नियमन आयोग (सीईआरसी)ले बंगलादेश बिजुली निर्यात गर्न नेपाललाई अनुमति दिएको छ ।

भारतले यसअघि बंगलादेश विद्युत निर्यातको अनुमति दिन मानिरहेको थिएन । लागिसीईआरसीको निर्यात अनुमति आवश्यक पर्ने सम्झौतामै उल्लेख छ । प्राधिकरणका प्रवक्ता चन्दन घोषका अनुसार मध्यान्ह ४० मेगावाट विद्युत निर्यात हुने छ ।

नेपालले अहिलेसम्म भारतमा मात्रै विद्युत निर्यात गरिरहेको थियो । आजबाट तेस्रो मुलुकसँग पनि नेपालको औपचारिक विद्युत व्यापार सुरु हुने छ । गत असोज १७ को सम्झौताले यो बाटो खोलेको हो ।

नेपाल विद्युत् प्राधिकरणले प्रतियुनिट करिब ८ रुपैयाँ ६४ पैसा (६.४ अमेरिकी सेन्ट) का दरले बंगलादेशलाई विद्युत निर्यात गर्ने छ । निर्यातका क्रममा भारतको एनटीपसी विद्युत व्यापार निगम लिमिटेड (एनभीभीएन) को प्रसारण लाइन प्रयोग गरेबापत ‘ह्विलिङ चार्ज’ बंगलादेशी कम्पनीले तिर्ने सम्झौता छ ।

भारत मुजफ्फरपुरमा राखिने मिटरमा नेपालबाट निर्यात हुने विद्युतको रेकर्ड रहने छ । त्यहाँसम्मको प्राविधिक नोक्सानी नेपाल विद्युत प्राधिकरणले बेहोर्ने र मुजफ्फरपुरबाट बंगलादेश सीमाको प्राविधिक नोक्सानी बंगलादेशी पक्षले तिर्ने त्रिपक्षीय सम्झौता छ ।

नेपालले बिजुली ६.४ सेन्टमा बेच्छ । तर, बंगलादेश पुग्दा भाउ प्रतियुनिट करिब ७.६ सेन्ट पुग्ने अनुमान छ । नेपालबाट जाने बिजुली भारतको बेहरमपुर (भारत)–भेडामारा (बंगलादेश) ४ सय केभी प्रसारण लाइन हुँदै बंगलादेशले लिने छ ।

उक्त प्रसारण लाइन हुँदै वितगदेखि नै बंगलादेशले विद्युत आयात गरिरहेको छ । नेपालले १० हजार मेगावाट भारत र ५ हजार मेगावाट विद्युत बंगलादेशलाई निर्यात गर्ने लक्ष्य लिएको छ । त्यो लक्ष्य अनुसार पहिलोपटक बंगलादेश विद्युत निर्यात हुन लागेको हो ।

 

 

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.