
काठमाडौं । सरकारले नेपाल प्रहरीका दुई जना डीआईजी (प्रहरी नायव महानिरीक्षक)लाई एआईजी (प्रहरी अतिरिक्त महानिरीक्षक)मा बढुवा गर्ने निर्णय गरेको छ ।
मन्त्रिपरिषद् बैठकले गुरुङ अख्तियार दुरुपयोग अनुसन्धान आयोगमा कार्यरत बुद्धिराज गुरुङ र प्रहरी प्रधान कार्यालय प्रशासन विभागमा कार्यरत केदार ढकाललाई बढुवा गरेर एआईजी बनाउने निर्णय बिहीबार गरेको हो ।
दुवै जनाको नाम एआईजी बढुवामा कात्तिक १४ गते सिफारिस भएको थियो । गृह मन्त्रालयका सचिव गोकर्णमणि दवाडी नेतृत्वको बढुवा समितिले सिफारिस गरेको हो ।

























