यस्तो छ लेखा समिति सभापतिका स्वकीयमाथि लागेको आरोप

Share this
736shares
मुलुकी खबर
मुलुकी खबर
clock२०८१ पुस १९, शुक्रबार १९:०४

विराटनगर । संघीय संसदको सार्वजनिक लेखा समिति सभापति एवं नेकपा (एमाले)का नेता ऋषिकेश पोखरेलका निजी सचिव (स्वकीय सचिव) अनिलकुमार पोखरेल व्यक्ति ठगी प्रकरणमा मुछिएका छन् ।

आफ्ना निजी सचिव ठगीमा मुछिएपछि प्रतिनिधिसभा सदस्य ऋषिकेशले कारबाही गरेका छन् । उनले स्वकीय सचिव ४३ वर्षीय अनिलकुमार पोखरेललाई शुक्रबार जिम्मेवारीबाट हटाएका हुन् ।

अनिलको घर मोरङको रंगेली नगरपालिका–२ हो । उनी काठमाडौं बस्दै आएका छन् । उनले एमबीबीएस भर्ना गर्नका लागि भन्दै ३८ लाख ८० हजार रुपैयाँ ठगेको बताइन्छ । अनिल एमाले मोरङका सदस्य हुन् ।

अनिलले एबीबीबीएसमा छोरीको नाम निकालिदिने भन्दै सप्तरीको अग्निसाइर कृष्णासवरन गाउँपालिका– ५ बकधुवाका ५७ वर्षीय बौआलाल चौधरीसँग विभिन्न मितिमा ३८ लाख ८० हजार रुपैयाँ लिएका थिए । तर, छोरीको नाम ननिस्किएपछि बौआलालले पैसा फिर्ता मागे ।

पैसा फिर्ता गर्नुको साटो उल्टै अनिलले धम्क्याएको उनको गुनासो छ । हिसाब चुक्ता गरिदिन्छु भन्दै बोलाएर २०७९ साउन ९ गते आफूलाई ५० लाख रुपैयाँ ऋण लिएको कागज बनाएको बौआलालको गुनासो छ । ऋण लिएको भनेर आफूलाई जबरजस्ती २०७४ साल असार २५ गते आइतबारको मिति राखेर कपाली तमसुक बनाएको उनले बताए ।

कपाली तमसुक बनाएपछि बौआलाल प्रहरीको सम्पर्कमा पुगे । जबरजस्ती बनाएको तमसुक च्यात्न र ठगी कसुरमा कारवाही गर्न भन्दै जाहेरी दिन गएपनि प्रहरीले जाहेरी लिन नमानेको गुनासो उनको छ ।

प्रहरीले दर्ता नगरेपछि जबरजस्ती कागज बनाएको ९ दिनपछि २०७९ साउन १८ गते हुलाकमार्फत जाहेरी पठाए । प्रहरीले जाहेरी नलिएको भन्दै उनले २०७९ साउन ३१ गते ठगी मुद्दामा पोखरेलविरुद्ध जाहेरी दरखास्त दर्ता गरी अनुसन्धान गर्न परमादेशको मागसहित उच्च अदालत विराटनगरमा रिट निवेदन दर्ता गरेका थिए ।

उच्च अदालत विराटनगरका न्यायाधीश राज्यलक्ष्मी बज्राचार्य र सूर्यनाथप्रकाश अधिकारीको संयुक्त इजलासले गत भदौ ३१ गते पोखरेलविरुद्ध ठगी मुद्दामा परेको जाहेरी दरखास्त दर्ता गरेर आवश्यक कारबाही अघि बढाउन अन्तिम आदेश दिएको थियो । पुस ११ गते आदेश प्रमाणिकरण भएको हो ।

अदालतबाट प्रमाणिकरण भएको आदेश प्रहरी कार्यालयमा पुगेको छैन । मोरङ प्रहरी प्रमुख एसपी नारायणप्रसाद चिमरियाले अदालतको आदेश आएपछि थप प्रक्रिया अघि बढ्ने बताए । ‘यो विषयमा अदालतले दिएको आदेश हाम्रोमा आइपुगेको छैन । आएपछि थप अनुसन्धान प्रक्रिया अघि बढ्छ । यो विषयमा हामी बुझ्दैछौं,’ उनले भने ।

लेखा समिति सभापति ऋषिकेशकी पत्नी अञ्जला कोइराला मोरङको कर्सियामा रहेको उमागौरी कृषि सहकारीको बचत अपचलन प्रकरणमा गत पुस ३ गतेदेखि फरार छिन् । अञ्जलासहित २६ जनाविरुद्ध मंसिर २७ गते जिल्ला अदालत मोरङमा मुद्दा दर्ता भएको थियो ।

उनी विराटनगरको महेन्द्र रात्रि विद्यालयकी शिक्षिका हुन् । विद्यालयबाट बिदा लिएर अञ्जला फरार भएको प्रहरीले जनाएको छ ।

यस्तो छ आदेशको पूर्णपाठ

 

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.